ÁFRAM BJÖRN.

Loksins loksins segir Björn dómsmálaráðherra eitthvað sem vit er í. Selja RÚV það er málið og því fyrr sem það er gert, því betra. Loksins get ég verið sammála Birni og hvers vegna? Jú, gífurleg eyðsla skattpeninga almennings við að halda uppi batteríi, þá á ég við sérstaklega það sem að sjónvarpinu lýtur, en þar er boðið uppá efni, sem er sjónvarpinu  til háborinnar skammar. Fyrst og fremst lélegt efni, en látum það nú vera, vitleysan nær hámarki þar sem þetta efni er endursýnt á nokkra mánaða fresti. Fólk á að hafa rétt til að velja og hafna, en ekki vera neytt til borga afnotagjald fyrir lélegt sjónvarpsefni eins og nú er. Sjálfsagt segja menn sem svo, að Björn sé nú aðeins að hugsa um að einkaaðilar geti hagnast og muni ráða efnisvali þegar sjónvarpið verður selt og það séu aðeins frjálshyggjumenn þessu fylgjandi. Það er ekki alveg rétt, ég sem vinstri maður er orðinn svo yfir mig þreyttur á löngu útbrunnu sjónvarpi allra landsmanna, að ég hvet Björn Bjarnason hér með , að fylgja þessari söluhugmynd sinni eftir. Þá verður líka hverjum og einum í sjálfsvald sett, hvort menn gerast notendur hjá nýjum rekstrar aðilum eður ei.

Það er hið fyrsta stig framfara,

að vera sannfærður um,

að vér þurfum þeirra með.