SJÚKLINGAR EIGA AÐ STANDA UNDIR GJALDTÖKU OG KJÓSA XD.

 

Auðvitað er formaður Sjálfstæðisflokksins á réttri braut.

Auðvitað eiga sjúklingar að standa sig.

Auðvitað eiga öryrkjar að borga.

Auðvitað eiga gamalmenni að greiða hærri gjöld.

Auðvitað eiga barn margar fjölskyldur að sitja við sama borð og ég,

sem er bara einn.

Auðvitað eiga atvinnulausir að greiða það sem upp er sett hverju sinni.

Auðvitað eiga þeir sem hafa mjög góðar tekjur ekki að greiða

hátekjuskatt.

Auðvitað eiga alþingismenn að fá kauphækkun vegna skertra

lífeyrisréttinda.

Auðvitað á Sjálfstæðisflokkurinn að vera með mesta fylgið,

af öllum stjórnmálaflokkum landsins,

nú eins og ávallt áður.

Auðvitað er engum betur treystandi en Sjálfstæðisflokknum,

þegar að fjármálum þjóðarinnar kemur.

Auðvitað eiga allir aular í þessu landi,

að kjósa Sjálfstæðisflokkinn.

Auðvitað eiga........

 

Standa undir gjaldtöku

FORSETINN Á BIÐILSBUXUM ?

 

 

Það er virðingarvert af forseta vorum, að krefjast launalækkunar hjá

sér, en því miður kemur það kannski ekki af þeim notum

sem það,

 ef ekki væri forsetaembætti yfirleitt hérna á Íslandi.

En þar sem hann er svona fús á að lækka sín laun er sjálfsagt,

að gera það  hressilega.

Það er spurning hvort ekki sé hægt að spara þjóðinni barasta þau útlát,

sem nú fara í þennan lið og leggja forsetaembættið niður.

Tækifærið býðst, þegar Ólafur lýkur sínu kjörtímabili,

eftir tæp 4 ár. 

 

 

Ólafur Ragnar fer fram á launalækkun

KNATTSPYRNUHÚS FYRIR ÍBV.

 

Það er ánægjulegt til þess að vita að bæjaryfirvöld skyldu taka þá

ákvörðun að samþykkja stækkanlegt knattspyrnu hús hérna

í Eyjum.

Samkvæmt fyrstu áætlunum átti þetta hús að vera um það bil,

að takast í notkun núna, en því miður hefur það dregist.

En samsagt núna er búið að ákveða byggingu hússins og það er

fyrir mestu.

Í dag er skemmstur sólargangur og eftir daginn í dag getur

maður farið að telja niður dagana  þar til Íslandsmótið í

knattspyrnu hefst.

Það finnst mér tilhlökkunarvert, að næsta sumar munum við Eyjamenn

og konur fá að "berja" þá bestu augum  í Íslenskri knattspyrnu

hérna inni á Hásteinsvelli.

Fyrir mér er það eins og fyrir börnin núna,  sem hlakka til jólanna og,

 að rífa utan af gjöfunum, að ég fæ að sjá mitt lið ÍBV kljást við þá

bestu næsta sumar.

Því segi ég það að betri jólagjöf gat Bærinn ekki gefið mér og,

að næsta haust verður komin úrvalsaðstaða til knattspyrnuiðkunar

inni þrátt fyrir snjó og kulda úti við.

Svo óska ég öllum hér í Vestmannaeyjum og

að sjálfsögðu

Eyjafólki á fastalandinu og hvar annarsstaðar,

sem það er statt,

 

gleðilegra jóla og góðra sigra á

knattspyrnuvellinum og lífinu yfirleitt. 

 

 

 

Samþykkt að hækka útsvar og byggja knattspyrnuhús

Á AÐ SKIPTA UM GJALDMIÐIL Á ÍSLANDI ?

 

 

 

Að taka upp einhliða annan gjaldmiðil í stað krónunnar

er kostur, sem mér virðist ríkisstjórnin hafa lítinn áhuga fyrir,

því miður.

Ef til þess kæmi fyrr en seinna gæti það orðið þjóðinni

mun ódýrari leið en það að burðast með handónýta krónu.

Það er íhugunar vert hvers vegna ríkisstjórnin setur ekki meiri kraft

í það, að meta og vega gjaldmiðilsskipti strax. 

Ekki þyrfti að velta því fyrir sér, að gerast aðili

að ESB því sennilega væri skásti kosturinn, að taka upp dollar,

en hugmynd manna um aðild að ESB tel ég algjör landráð

og algjört  gönuhlaup.

Klafinn sá sem við erum að axla þessa daganna verður ekkert

léttari við það, að ganga inn í ESB því miður.

Þannig að það er aðeins tálsýn, sem Samfylkingin gengur með

í maganum, að innganga í ESB muni öllu bjarga

í okkar erfiðleikum.

 

 

Einhliða upptaka gjaldmiðils

ER SAMFYLKINGIN BARA ÓJAFNAÐARFLOKKUR ?

 

 

Samfylkingin,

sem oft kennir sig við jöfnuð

á ekki að hafa rétt til þess,

þar sem sá flokkur hefur gert harkalega árás á

aldraða og öryrkja,

að mati Ögmundar Jónassonar VG.

 

Röng forgangsröðun

ÉG ER EINS OG HVER ANNAR VERKAMAÐUR.

 

 

 

Gífurleg óánægja er á meðal prófessora með niðurskurðatillögur.

Það er bara svo einfalt allir eru óánægðir með niðurskurðinn

í þessu þjóðfélagi.

Samt álít ég, að stjórnvöld séu einungis í startholunum  og

ennþá megi vænta harkalegri niðurskurðar á næstunni. 

Svo er það spurning, hvar beita eigi niðurskurðahnífnum

næstu árin, hvar og hvernig.

Þá dettu mér fyrst í hug, að án söknuðar frá minni hálfu mætti

spara einna mest í þeim málaflokk sem heyrir undir utanríkismál.

Öll þátttaka okkar í sambandi við varnarmál mættu örugglega missa sig,

að stærstum hluta, eða öllum.

Sendiráðum mætti loka og fækka um leið sendiherrum.

Umhverfisráðuneytið og ráðherra þeirra mála ætti

skylirðislaust að skera niður við trog.

Leggja alfarið niður RÚV, en eins og alþjóð veit er sú stofnun

löngu orðin úrelt og óþörf.

RÚV hefur verið einskonar gæluverkefni

þeirra manna, sem telja sig sjálfskipaða menningar vita þessarar

þjóðar og veit ég satt að segja ekki hvar í ósköpunum þeir hafa fengið

þá flugu í höfuðið.

Skattamál ætti að skoða vel og mætti þar nefna hátekjuskatt svo og

10% fjármagnsskatt sem nú er í gildi sem mætti hækka í 20%.

Þetta gæti verið góð byrjun á þeim aðgerðum,

sem við landsmenn virðumst þurfa að taka á okkur,

allt vegna misviturra stjórnmálamanna, sem s.l. tvo áratugi hafa siglt

þjóðarskútunni í strand, en þar fara fremstir áhafnarmeðlimir

Sjálfstæðisflokksins og Framsóknarflokksins.

Þessir tveir ágætu flokkar undirbjuggu jarðveginn fyrir

útrásarvíkinganna og þeir í skjóli ríkisvaldsins

eru búnir að koma okkur í þá stöðu sem við eru í dag,

á kaldan klaka.

 

 

 

 

 

 

 

Afnema kennsluafslátt

VINÁTTA.

 

 

 

Besti vinurinn,

sem við eigum er sá,

sem þekkir alla okkar galla

og er þó samt

vinur okkar.

Lán til Íslendinga samþykkt

NAGLAR HINS DAGLEGA LÍFS.

               Legið á nagla eftir Óttar Guðmundsson læknir.

 

Margir eru þeir sem liggja á nagla allt sitt líf.

Þeir horfa um öxl og harma ótal ákvarðanir sem einu sinni voru teknar.

Margir sjá eftir þeim lífsförunaut sem aldrei varð, eða bölsótast

yfir þeim leiðum sem ekki voru farnar.

Bara ef ég hefði valið mér aðra vinnu,

annan maka,

önnur og betri börn,

aðra menntun,

annað húsnæði,

annan bíl eða aðra lífsstefnu í upphafi!   

Þara ef ég hefði aldrei fæðst/veikst/flutt/trúlofast eða eignast barn!..

Bara ef allt hefði farið á annan veg... -þá væri allt betra núna.

En er þetta rétt?

 

Svona hugsanir geta orðið að nöglum sem standa í gegn um merg og

bein sálarinnar.

Menn liggja á þessum ófögnuði og láta naglana eyðileggja fyrir sér

lífsnautn og gleði.

Þeir gleyma að lifa vegna þess að þeir festast í eigin fortíð.

 

Löngu liðnir atburðir fá nýtt líf og mikilvægi.

Þeir verða að endurfæddum risaeðlum í sálarlífinu.

Þær lifa á óánægju, öfund og dafna og vaxa eins og púki á fjósbita

eftir því sem fortíðarhyggjan verður þrálátari.

Sumir lifa langa ævi á þessum nöglum fortíðarinnar og geta aldrei

litið glaðan dag vegna sársauka og vanlíðanar sem rænir þá lit daganna

og ljósi sólarinnar.

Harmur og eftirsjá verða óaðskiljanlegir hlutar daglegs lífs.

Þeir sem liggja á nöglum harmsins fá athygli, umönnun, samúð og

velvilja.

Auk þess losna þeir við þá ábyrgð sem fylgir daglegu lífi.

Þeir takast aldrei á við vandamál dagsins vegna þess að þeir eru

önnum kafnir við að fóðra risaeðlur gærdagsins.

Eftir því sem risaeðlurnar stækka gefst æ minna ráðrúm til að hugsa

öðruvísi, axla ábyrgð, sinna daglegum störfum eða lifa lífinu.

Menn liggja á naglanum sínum,

aka sér á honum og njóta þeirrar fróunar sem vel fastur og hvass

fortíðarnagli hefur á sálartötrið.

 

Það eina sem hægt er að taka til bragðs er að standa upp af

naglanum, ýta honum til hliðar og hætta að gefa dinosaurus

gærdagsins að éta.

Fortíðinni verður ekki breytt og enginn getur nokkru sinni tekið

aftur þær ákvarðanir sem eitt sinn hafa verið teknar.

Þær urðu til vegna forsendna sem þá voru í gildi en hafa breyst með

tímanum.

Það er tilgangslaust að ferðast fram og aftur um eigin ævi með

forsendur líðandi stundar í farangrinum og endurmeta allar gamlar

ákvarðanir í ljósi þeirra.

Það er hollara að hætta að veltast á naglanum en koma sér inn í

núið og fara að lifa í því og njóta þess sem hver og einn dagur ber

í skauti sér.

Lífið er allt  of dýrmætt til að eyða því liggjandi á nagla.

Betra er að standa upp og sætta sig við þá hluti sem enginn fær

breytt og takast ótrauður á við vandamál

líðandi stundar.

 

 

 

 

 

 

MÆLGI.

 

 

 

Einkennilegt,

að þeir skuli tala mest,

sem hafa minnst að segja.

                                      -Prior.
      
                

Undirbúa ný fjárlög eftir áramót

VALD.

 

 

 

Ekki getur djöfullinn harðlæst svo neinum dyrum,

að Kristur megni ekki að sprengja þær upp.

       RAUCH.

Mótmæli halda áfram