STIKLAÐ UM Á SÍÐUSTU ÖLD Í EYJUM.

 

Dansiball í Gaggó. Nemendur sem nú eru á besta aldri? Maggi Sveins og fl.

 

Gamla sundlaugin.

. 

 Ekki eru allar minningar góðar úr þessari laug.  Man vel
eftir erfiðleikum með blessað "kotið" þ.e.a.s. það var það, sem hélt uppi
hásokkunum sem maður klæddist á þessum áru 1950.

 

Sjómannadagur í Eyjum. Rikki frá Ási er ábyggilega einn af þessum köppum.

 

Þessa myndarlegu kumpána þekkja allir?  Arnar, Sigurður og Krismann.

 

Sveinbjörn Guðlaugsson og Jóhann Guðnason.
Greinilega við að "uppfarta" í Samkomuhúsinu.

 

Nokkrir vaskir Þórarar. Sigurgeir frá Skuld, Sæli, Muggur, Svenni,Arnar. o.fl. 
 Áður fyrr var mikið líf
í félögunum Þór og Týr hérna í Eyjum.
Bæði félög ráku á síðustu öld félagsheimili,
sem mikið voru sótt.

 

Helgi Benediktsson heldur ræðu á Stakkó.

 

Verkstjórnarnámskeið ásamt kennurum 1951.

 

Myndarlegir bræður, Arnar og Hermann Einarssynir.

 

Skyldi þetta vera Hallgerður-langbrók.  Nei ekki er svo. Þetta mun vera
Sigurður Jóhannsson og frú (man ekki nafn hennar) á hlaðinu við Stíghús sem var við Urðarstíg.

 

Magnús Tómasson, Mangi krummó.  Man eftir konunni en ekki nafni hennar.
Mangi var kunnur trillusjómaður og fisksali og bjá að Hrafnabjörgum v/ Hásteinsveg. 

 

Bloggvinur minn hann Simmi koló. Er ábyggilega að flytja ræðu
á Sjómannadeginum, en hvaða ár ?.

 

Kröfuganga á leið upp Skólaveginn.
Það var ekki þrautalaus að krefjast hærri launa
hér áður fyrr,  því að þeir sem tóku þátt eins og í
kröfugöngu áttu það víst að fá enga vinnu eins og,
þegar skip komu með salt eða kol. 

 

Ungur og myndarlegur vinur minn,  Ingólfur Grétarsson.

 

Básaskersbryggjan
Sennilega er þessi ágæta mynd frá árinu 1938.  

 

 

Nú ætla ég,

 að verði smá hlé á birtingu gamalla mynda á síðunni.

Vona svo sannarlega að fólk hafi haft gaman,  að skyggnast inn í

gamla tímann héðan úr Eyjum.

Athugasemdir

[Ólafur Ragnarsson, 25.10.2010 kl. 21:12]

Sæll vinur. Þetta eru algerir gullmolar hjá þér Takk fyrir mig. Sértu ávallt kært kvaddur

[Gísli Foster Hjartarson, 26.10.2010 kl. 14:24]

Sæll meistari. Þetta eru hreint út sagt magnaðar myndir alveg frábært að skoða þetta. Segi eins og Ólafur hér að ofan þetta eru gullmolar, hreinir og klárir.   - Bestu kveðjur

[Eiríkur Þ. Einarsson (IP-tala skráð) 27.10.2010 kl. 16:12]

Frábærar myndir sem gaman er að skoða. Frétti af síðunni hjá Torfa vini mínum Haralds. Kem oftar ef framhald verður á birtingu gamalla mynda

Eiríkur frá Hofi (Landagötu 25)

[Þorkell Sigurjónsson, 28.10.2010 kl. 14:09]

Skemmtilegt að fá góð viðbrögð við gömlu myndunum. Reyni áfram að birta slíkar myndir á næstunni. Ágæti Eiríkur.  Gaman að segja þér frá því,  að ég sem drengur, aðeins átta ára gamall (sextíu ár síðan) gekk daglega framhjá Hofi,  því foreldrar mínir keyptu mjólk af Högna í Vatnsdal. Þannig að ég þekkti vel til þarna austur frá.  Ég mann ágætlega eftir þér og faðir þinn kenndi mér í Gagnfræðaskólanum og fannst mér hann vera góður kennari.

Eitt sumar unnum við Óskar bróðir þinn saman,  hann við byggingarvinnu hjá Baldvin og Kristni, en ég var í húsasmíðalæri hjá Kidda. Síðan eru ansi mörg ár.  Kveðja til ykkar.

[Sigmar Þór Sveinbjörnsson, 28.10.2010 kl. 22:06]

Heill og sæll kæri bloggvinur. Gaman að þessum myndum og vonandi koma margar fleiri. Mig langar að gera smá athugasemdir við 4 myndir:

Mund nr.5. Þar er Jóhann sagður Guðnason en hann er Guðmundsson 

Mynd nr.10. Á myndinni er Sigurgeir Jóhannsson ( Siggi kokkur) og kona hans Sigríður Guðmundsdóttir oftast kölluð Besta.

Mynd nr. 11. Þar er Magnús og með honum á myndinni er Jónína Sveinsdóttir, Sjónarhól systir ömmu minnar Þórunnar Sveinsdóttir frá Byggðarenda.

Mynd nr. 12. Þar segir þú að ég Simmi koló sé að halda ræðu, þetta er ekki rétt, myndin er ekki af mér , þessi mynd er örugglega mjög gömul það sést á míkrafóninum. Vonandi er einhver sem kemur hér inn á síðuna þína sem þekkir þennan mann

Vona að þú móðgist ekki þó ég sé að setja inn þessar leiðréttingar

Kær kveðja og takk fyrir þessar gömlu góðu myndir.

[Þorkell Sigurjónsson, 28.10.2010 kl. 22:49]

Blessaður og sæll Sigmar minn.  Nei, nei þetta er einmitt fínt hjá þér Simmi minn og er ég þér innilega þakklátur fyrir þínar upplýsingar.  En þessi meinta mynd af þér er alveg sláandi lík þér Simmi,  það verð ég að segja.  Hver maðurinn er það er stór spurningin?.  Kveðja.