AFREK Í ÞAGNARGILDI.

 

 

 

 
Gústav Stefánsson Ási.

 

 

 

 

 

Ástþór Einarsson fv. vörubílstjóri rakst á gagnmerka heimild um Gústav Stefánsson,

sem ýmist var kenndur við Ás eða Sigríðarstaði og fer frá sögn Ástþórs hér á eftir:

 

 

Gústav Stefánsson Ási var fæddur 22. ágúst 1898.

 

Gústav var frábær veiðimaður og 14 ára gamall seig hann niður á

Klemensarbæli til svartfuglaeggjatöku.

Klemensarbæli er austan í Ystakletti og nokkuð mikið loftsig niður á það.

Þetta þótti sérlega vel gert af svo ungum dreng.

 

Gústav fór eitt sinn í Akurey á Kollafirði til lundaveiða og veiddi þar á

einum degi, 1964 lunda og þótti það afar vel gert.

Til að ná þessum frábæra árangri,  stytt hann háfinn um 1/3.

 

 

Þessi frábæri lundaveiðimaður, 

ef ég fleyti honum til dagsins í dag er föðurbróðir Stefáns Gíslasonar, 

sem vinnur nú um stundir við

Safnahúsið.

 

Stefán Gíslason.

Athugasemdir

[Pétur Steingrímsson. (IP-tala skráð) 30.8.2012 kl. 20:56]

Sæll Keli.

Gaman og fróðlegt að lesa þetta um hann Gústaf og þá sérstaklega um lundaveiðina hans í Akurey. Að veiða 1964 fugla á einum degi er mikið og ótrúlegt afrek hjá einum manni.

Veiðimenn í Ystakletti hafa haldið því fram að Jón Kristinn Jónsson lundaveiðimaður í Ystakletti hafði sett íslandsmet og jafnvel heimsmet í lundaveiði 29. júlí 1998 en þá veiddi hann á einum degi 1420 lunda.

Gott og gaman að þetta kemur fram og þarf að halda því á lofti í minningu þessa frækilega lundaveiðimanns.