BYRJAR SAGA UPPISTANDSFUGLA Í EYJUM ?

 

 

 

Bloggari síðunnar.

 

 

 

Í bókinni "BROTASAGA" eftir Björn Th. sem er góð og skemmtileg aflestrar,

segir frá því,

 að "Væti" James White sem var bróðir hennar Margrétar í Björgvin,

og margir muna eftir,  sem nú eru á besta aldri í dag,  að Væti hafi verið sá fyrsti,

allavega hér í Eyjum sem notaði vír til að hafa uppistandsfugla í lundabyggð.

 

Í bókinni segir svo:

 

 

Þeir sem voru í Klettinum Heimakletti,  eða  þá austur í Miðkletti urðu þess brátt varir

að Væti í Björgvin hafði annan hátt á en hér hafði tíðkast.

Hann var með vírteina á sér og notaði fyrstu lundana fyrir uppistandsfugla fremst á

brúninni og lokkaði þannig aðra að á fluginu.

Brátt tóku aðrir þetta upp eftir honum og síðan hafa uppistandsfuglar í lundabyggð

heitið "vætar" á Eyjamáli.

 

 

Þannig er nú það,  og þrátt fyrir að ég sé kominn á besta aldur,

þá hefi ég aldrei haft vitneskju um þetta úr lundaveiðisögunni  hér í Eyjum.

 

 

Athugasemdir

[Pétur Steingrímsson (IP-tala skráð) 5.11.2012 kl. 14:25]

Sæll Keli.

 Þær eru skemmtilegar bækurnar eftir Björn Th. ég á þær báðar þ.e. Brotasögu og Sandgreifana og hafði mikið gaman af lesningu þeirra. Vætur voru notaðar hér í Eyjum og í úteyjum á meðan lundaveiði var leyfð hér og vonandi fáum við að veiða lunda einhverntíman aftur. Við notuðum rafsuðupinna til að stilla lundanum upp rétt við veiðistaðinn og hafði þetta ótrúleg áhrif og þá sérstaklega á forvitna unga fugla sem hægðu á sér til að virða þetta fyrir sér.

Við fórum nokkrir Bjarnareyingar í Grímsey í sumar til að veiða lunda fyrir lundaballið og sigldum við frá Dalvík. Við tókum með okkur uppstillur en það hafði engin áhrif á lundann og voru þær því alveg ónothæfar. Okkur fannst það skrítið að þær virkuðu ekki á lundann þarna fyrir norðan.

Að lokum, það er mjög gaman að lesa blogið þitt og sérstaklega þegar þetta er á fróðlegu nótunum eins og það er flest.