Vankunnátta í fjármálum orsök fjárhagsvanda heimilanna?

        Einstæðar mæður og einhleypir karlmenn stærsti hópurinn sem leitar ráðgjafar um fjármál heimilanna í fyrra.  Helstu ástæður greiðsluerfiðleikanna eru, veikindi og offjárfestinga.  Um sex hundruð manns leita til Ráðgjafastofnunar í fyrra til úrbóta síns fjárhagsvanda. Takið nú eftir, nú ætlar félagsmálaráðherra að tryggja skuldurum samningsrétt, rétt til að halda eftir ákveðnu lágmarki tekna til að geta séð sér farborða og heimilisrétt sem tryggir húsnæði er uppfyllir lágmarkskröfur.  Hvað hefur verið í gangi í þessu samfélagi,  ætla mætti að það hafi verið skotleyfi á þetta blessað fólk fram að þessu. En er ekki einhver leið sem kemur í veg fyrir að fólk lendir í slíkum fjárhagsvandræðum?   Jú segi ég og það er, að skólarnir taki upp kennslu í fjármálum. Það vita allir, að peningar eru okkur mannfólkinu tengdir eins og skugginn okkar. Frá vöggu til grafar erum heimilin að fást við fjármál. Og hvað ætti svo að vera eðlilegra en ráðherra menntamála vinni að því að koma inn á námsskrá tveimur, þremur tímum á viku þar sem nemendur fengju alhliða kennslu í fjármálum og best væri að byrja strax í grunnskóla.

Athugasemdir

[steini (IP-tala skráð) 12.4.2007 kl. 16:59]

Það er fyrir löngu sem byrjað var að kenna þetta í skólum, þetta heitir stærðfræði,  þar er fólki t.d kennt einföld dæmi eins og að ef það á 100 krónur en eyðir 1000 krónum að þá er það 900 krónum í mínus. Það sem aftur á móti þyrfti að kenna þessu fólki er skynsemi, þ.e ef þú ert með 200 þús á mánuði, þá gengur það ekki að eyða 500 þús krónum á mánuði í neyslu.

[Jón Steinar Ragnarsson, 13.4.2007 kl. 02:55]

Það er ekki kennd raunhæf hagfræði í skólum, sem kennir börnum að umgangast peninga. Þvílík sjálfumgleði að ætla að börn geti lært fjármálavituns af stærðfræði.  Ég á ekki orð.  Það hefur verið skotleyfi á skuldara og er.  Fólk hefur spennt bogann of hátt og það er staðreynd að all flestir skulda umfram öflun.  Ekkert má bregða út af í þessu hamsturshjóli til að fólk missi allt og endi nánast á vergangi.  Slys og veikindi eru einn þáttur.  Verðlagsvitund þjóðarinnar hefur verið þurrkuð kerfisbundið út með flöktandi verðlagi.  Engin leið er fyrir lágtekjufólk að eignast fararskjóta og þak yfir höfuðið nema að steypa sér í skuldafenið og krossa svo fingur með að allt blessist.  

[steini (IP-tala skráð) 13.4.2007 kl. 09:26]

"Þvílík sjálfumgleði að ætla að börn geti lært fjármálavituns af stærðfræði."???

Þetta er ekki sjálfumgleði, þetta er einföld stærðfræði í bland við skynsemi. Ef fólk fattar það ekki að ef það á 100 þúsund í banka en ákveður á eyða 1 milljón að þá er það komið í mínus, þar þarf ekki hagfræði til heldur einfalda skynsemi. Það segir sig t.d líka sjálft þegar fólk er að kaupa sér hús og tekur greiðslumatið, að ef það fær mat uppá 10milljónir þá gefur það auga leið að erfitt getur verið að láta dæmið ganga upp að kaupa fyrir 25 milljónir. Fólk þarf að hætta að horfa á nágrannan og miða sig við hann og eignast það sama og hann og á sama hraða. Einföld skynsemi kennir fólki að lifa ekki umfram efni og það eru margir, mjög margir sem lifa eftir þessari reglu en það eru líka margir sem lifa ekki eftir þessu og sumir hafa það en aðrir ekki, en thats life!