Viðbót vegna afmælis.

Til viðbótar við bloggpistilinn um afmæli Lenins hér að framan, gleymdi ég smá vísukorni þar sem fyrri partur er fenginn að láni, en seinni partur er minn. Í framhaldinu þykir mér afleitt að viðurkenna skortinn á að geta  ekki hnoðað hjálparlaust saman vísukorni, þrátt fyrir að eiga stórskáld í báðum ættum.  Mér til afsökunar skírskota ég til þess, að mikilvirkur skrásetjari telur sér ekki til vansa, að fá að láni skáldskap frá okkar frægasta skáldi.  Kanske sýnir þetta  hnoð mitt í hnotskurn, áhugasvið og áherslur dags daglega í mínu lífi?
En nóg um það,  hér kemur hnoðið:

Ég trúi á tennt í heimi hér
tign sem æðsta ber.
Ilitsj Lenin í alheimsgeimi,
ÍBV í hjarta mér.