Bernskubrek.

Þar sem í hönd fara kosningar er við hæfi að segja hér litla sögu af minni fyrstu framlegð í kosningabaráttu.  Sjálfsagt verður einhverjum skemmt þar sem ég hefi hingað til ekki verið hallur undir Sjálftæðisflokkinn, en auðvitað er það hið besta mál ef menn geta haft gaman af sögunni.

Þannig var, að 29. júni 1952 fóru fram forsetakosningar og í upphafi greini ég hér strax frá hinum hræðilega leyndarmáli mínu, að ég varð yfir mig hrifinn af einum af þremur sem buðu sig fram, en það vissu allir landsmenn að  var einskonar fulltrúi Sjálfstæðisflokksins, Bjarni Jónsson vígslubiskup í þessum kosningum.  Það má á vissan hátt skilja afstöðu mína og virða mér til vorkunnar að ég var ungur að árum,  aðeins 9 ára gamall. Eins var það að Bjarni   hafði sterkann róm og sérkennilega ráma rödd, sem hljómaði vel í útvarpinu og höfðaði vel til mín.

  Nú, aðrir sem í  framboði voru, voru þeir Ásgeir Ásgeirsson sem var í pólitík, bæði með Alþýðuflokknum svo  Framsóknarflokki, og að auki var sterkur aðili, Gunnar Thoroddsen tengdasonuur Ásgeirs sem stóð með honum í baráttunni, en Gunnar var mikill Sjálfstæðisflokksmaður,  seinna meir galt hann fyrir  stuðning  við tengdaföðurinn sinn. Þriðji frambjóðandinn var Gísli Sveinsson fyrrv. alþingism. Sjálfst. flokksins í V-Skaftafellssýslu.

Mitt framlag á kosningadaginn fyrir Bjarna var að ég, meirihluta dagsins hjólaði um bæinn (Vestm.bær) á reiðhjóli mínu með pappaskilti fest á hjólið að aftan og framan, sem á var letrað, X-BJARNI JÓNSSON.
En árangurinn varð ekki samkvæmt væntingum, því Ásgei Ásgeirsson var kosinn forseti og munaði ekki nema 1879 atkvæðum á honum og Bjarna,  mínum manni.

Þetta framtak vakti þó nokkra athygli í Vetmannaeyjum, sérstaklega þar sem faðir minn var nú ekki talinn vera sérlega mikill Sjálfstæðisflokksmaður.

Athugasemdir

[Svava frá Strandbergi , 23.4.2007 kl. 20:23]

Sjonni frændi sálugi hefur ekki verið hress með þig þá.

[Svava frá Strandbergi , 23.4.2007 kl. 20:26]

Ertu búinn að lesa um fyrirhugaða listsýningu nokkurra okkar Moggabloggara í Ráðhúsi Reykjavíkur eftir rúmt ár ef (leyfi mér að segja Guð) lofar?

[Svava frá Strandbergi , 23.4.2007 kl. 20:26]

Sjonni frændi sálugi hefur ekki verið hress með þig þá.

[Svava frá Strandbergi , 23.4.2007 kl. 20:27]

Hver andskotinn er eiginega í gangi? Viltu vera svo góður að þurrka út þessi aukakomment mín Keli minn?

[Þorkell Sigurjónsson, 23.4.2007 kl. 23:19]

Kanske er  faðir minn hann Sjonni bístjóri að gera smá at í þér Svava mín, með því að tvöfalda kommentin þín. Allavega í lifanda lífi var hann tilbúinn í sprell, eins og þú kanske manst?  Tæknin er ennþá ekki það þróuð hjá mér að ég geti þurkað út aukagreinar . Þegar ég  fór í að agentera fyrir séra Bjarna, þá held ég að það hafi á engan hátt truflað hann pabba, held helst hann hafi haft gaman af uppátæki stráksins.