Geir og co.

Þegar ég í dag skoðaði mynd af forsætisráðherra okkar, Geir Haarde verð ég að játa að á vallarsýn er maðurinn hinn gjörfilegasti. Þess vegna rifjast það upp fyrir mér, sem held úti þessari bloggsíðu, að fyrir ca. 12 árum síðan var það, að vegna eymsla í baki þurfti ég að fara í sjúkranudd og nota um leið  þreksal.  Í þessum þrekraunum mínum var á sama tíma  maður sem heitir Geir Haarde að stunda sínar þrekæfingar.  Aðeins kynntist ég manninum og talaði við hann um allt og ekkert eins og gengur. Þá var Geir að mig minnir óbreyttur þingmaður, þó nú sé frami hans innan "flokksins", tillt honum  á toppinn.  Ég var lítt hrifinn af  Geir á þessum tíma, fannst hann lélegur ræðumaður meðal annars og auðvitað var ég honum ekki sammála í pólitik. Þessvegna hugsaði ég á þessum tima í þreksalnum, að besta sem Geir gerði, væri að leggja stund á lyftinga og hann yrði góður lyftingamaður, allavega hafði hann skrokkinn til þess.  Að mér varð hugsað til hans Geirs einmitt núna segir mér það eitt, að sennilega hafði ég rétt fyrir með að hann hefði frekar átt að halda sig við lyftingarnar en þingmennsku. 

 Mergur málsins er að menn eiga að halda sig við það sem þeir eru bestir í. Til að rökstyðja mitt mál segi ég hiklaus að hvorki Geir eða hans menn hafa undanfarin 16 ár í ríkisstjórn lyft fyrir okkur hér í Eyjum neinum "Grettistökum". Lítum aðeins á eitt atriði, samgöngur. Hvað hefur gerst í  stjórnatíð þessarar ríkisstjórnar sem segir okkur að eitthvað hafi verið gert, jú fjölgað um eina ferð á dag með Herjólfi, annað nákvæmega ekki neitt. Nú segir einhver, þú mættir rökstyðja þessa fullyrðingu þína betur. Ég segi, hefur ekki  íbúum fækkað s.l. 16 ár og fækkar enn.  Auðvitað er fleira sem kemur til að hér hefur íbúum fækkað.  Störf frá Ríkinu t.d. hafa ekki okkur hlotnast . Það er sko ekki hægt að hrópa húrra fyrir framgögu þingmanna héðan frá Suðurkjördæmi, allra síst Eyjaþingmönnum sem  átt hafa aðild að ríkisstjórn s.l 16 ár. Ég skil bara ekki fálæti þinganna gagvart vanda okkar og slæmri stöðu  hér í Eyjum.