Geir hafnar Árna Johnsen sem ráðherraefni.

Í grein sem Árni Johnsen skrifar og birt er í gær koma fram hjá honum væntingar til ráðherraembættis svo fremi sem styrkur flokksins verði mikill í Suðurkjördæmi:  Orðrétt segir Árni: Þegar kemur að verkaskiptingu manna í kjölfar kosninga er fylgið á bak við það vægi sem skiptir máli. Svo mörg voru þau orð. En þessi von sem þarna kemur fram hjá  Árna eða kanske  tálsýn  var rækilega slegin út af borðin í Kastljósþætti í gærkvöldi, þegar rætt var við formann Sjálfstæðisflokksins Geir Haarde. Geir sagði, að enginn eigi tilkall á ráðherraembætti og þegar spyrill spyr hvort Árni Johnsen komi ekki til greina  vegna góðrar útkomu í prófkjöri, svo og flokkurinn í skoðanakönnunum í Suðurkjördæmi undanfarið, heldur Geir áfram útskýringum sínum og segir,  að tillögur komi frá þingflokknum um ráðherraefni sem hann  annaðhvort samþykkir eða hafnar .  Spyrill  ítrekar hvað með Árna, og þá restar Geir með að segja að hann telji það ekki mjög líklegt. Þá höfum við það. Árni verður ekki gerður að ráðherra,  Þannig að ég sé ekki ástæðu til að kjósa Sjálfstæðisflokkinn á þeirri forsendu  að Árni Johnsen verði gerður að samgönguráðherra.

Athugasemdir

[Gísli Foster Hjartarson, 1.5.2007 kl. 20:56]

Ekki hefur mér þótt hann líklegt ráðherraefni og það er ég viss um að það yrði mesta fylgishrun flokksins á landsvísu ef hann yrði gerður að ráðherra - Hann er umdeildur karlinn.