Innantómir frasar.

       Örlitlar viðbætur og athugasemdir við skrif 8 manns á lista Sjálfs.fl. í Suðurkjördæmi.

Það mun skipta Vestmanneyinga miklu máli að Sjálfs.fl. verði áfram forystuafl í ríkisstjórn; Það mun skipta miklu máli að Sjálfs.fl. í Suðurkjördæmi fái öfluga kosningu 12.mai; Með öflugri kosningu Sjálfs.fl. verða lögð þung lóð  að ná árangri; Með öflugum Sjálfst.fl. á Alþingi og öflugum meirihluta bæjarstjórnar í Eyjum mun nást árangur á mörgum sviðum fyrir Vestm.eyjar.; Eyjamenn eiga öfluga málsvara í þeim hópi sem skipa framvarðarsveit framboðslista Sjálfs.fl. í Suðurkjördæmi.

Mikil er trú þín kona var einusinni sagt. Það virðist svo sannarlega gilda hjá honum Grími. Þessi ágæti maður hefur kosningar eftir kosningar gefið kost á kröftum sínum fyrir flokkinn, en ávallt verið hafnað. Ekki af því hann sé verri en aðrir kandidatar sem eru að gefa kost á sér, heldur kanske það að hann hefur leyft sér að vera ekki alltaf sammála forystunni. En ekki skal leggja af trúnna á flokkinn, heldur fer hann í að tyggja innantóma frasa um það að okkur Eyjamönnum verð ekki bjargað frá glötun, nema við kjósum Sjálfs.fl.  Trú Gríms endurspeglar innantóma frasa sem fólk á að trúa hvað sem tautar og raular.

En hvaða staðreyndir eru það sem blasa við okkur Eyjamönnum í dag udir sterkri stjórn Sjálfs.fl. undanfarna nærri tvo áratugi bæði í ríkisstjórn og oftast meirihluta í bæjarstórn Vestm.eyja? Hvað hefur dvalið orminn langa spyr ég. Vita ekki allir hvernig ástandið er undir sjórn flokksins. 20%fækkun íbúa í Eyjum, samgöngur í algjörlega óviðunandi. Fyrir þá sem vilja og eru að ferðast milli lands og Eyja ofbýður kostnaðurinn með Herjólfi. Einungis er eitt ár síðan ferðum var fjölgað með skipinu. Skipið Hejólfur er orðinn 15 ára gamall, ( byggt þá að frumkvæði Steingríms J. ) ekkert verið spáð í endurnýjun síðan eða fá yngra skip, ekkert gert. Ég spyr bara alla Eyjamenn;  Er það þetta sem þið ætlið að láta blóða ykkur næstu fjögur árin.  

Oft hefur mér verið hugsað til þess, hvort  við í Eyjum séum látin sitja á hakanum hjá Ríkisstjórninni í vel flestum málum á þeim forsendum að allt sé í lagi að láta okkur bíða þar sem fylgið við flokkinn rýrnar ekki, hvernig sem framkoma Ríkisstjórnarinnar er við okkur Eyjamenn?

Eitt enn sem á hugann sækir, en það er þetta með kvótann. Hvað í ósköpunum yrði um okkur hér í Eyjum, ef þessir núverandi fáu eigendur kvótans í Eyjum dytti í hug einn góðan veðurdag að breyta til og fara með  kvótaeign sína úr Eyjum þá sætum við Vesmannaeyingar  bara eftir með sárt ennið og engan kvóta? Mér finnst ábyrgðarlaust tal að engu megi breyta áður en til slíkra stórslysa kæmi.