Þeir sletta skyrinu . . .

   Undanfarna mánuði, vikur og  daga hafa ráðherrar skrifað undir samninga eða samkomulag um fjárframlög til hinna margvíslegustu málaflokka. Stærsta framlegðin er til Samgönguáætlunar upp á 381,4 milljarðar króna frá 2007-2018. en 420 milljarðar samtals, fyrir  allan loforðapakkann.

Sem venjulegur maður í þessu þjóðfélagi er ekki óeðlilegt að ígrunda hvað liggi hér að baki. Er þetta vitnisburður fyrir slæma samvisku , eða bara vanræksla ásamt áhuga og dugleysi sem þjakað hefur ráðherra ríkisstjórnarinnar undafarin ár? Mjög sennileg skýring finnst mér vera  hræðsla við dóm kjósenda í komandi kosningum, þar sem ríkisstjórninni  er ekki hrósandi fyrir að bera hag alþýðu manna fyrir brjósti undanfarandi kjörtímabil og grípur þess vegna til örþrifaráða með slíkum yfirboðum.

Spakmæli segir, að feitt borðhald geri magran arf. Hvað táknar það . Bjarnargreiði
  fyrir þá sem taka við eftir 12. mai þar sem  þeir verða að greiða þennan risavíxil,  hvort sem mönnum líkar það betur eða verr.  Hinn kosturinn er að svíkja  eitthvað af þessu öllu saman, og eru þeir stjórnarherrar sem nú sitja algjörir sérfræðingar í slíkum gjörningi, því miður. Mitt álit er, að fólk gefi núverandi ríkisstjórnarflokkum frí, en hleypi að félagshyggjuflokkunum, þannig að alþýða þessa lands verði ekki svikin öllu lengur.