Þeir sem allt vilja gleypa.

Geir Haarde einblínir á það, að fá að stýra landinu áfram eftir kosningar. Það kemur að litlu
gagni fyrir hann og okkur landsmenn, þó að stýrimaðurinn horfi stöðugt á áttavitann,
ef höndin er ekki á stýishjólinu.

Dáðasta tengdadóttir landsins í dag, hún Lucia galt fyrir greiðasemi tengdó og dreifði
grænum frostpinnum við Laugaveginum í nafni Framsóknar.  Betra er einn frostpinni í hendi, en tíu
í frystikistu.

Björn Bjarnason harmar umræðu um fjölskyldutengsl.  En eins og allir vita sótti aðeins einn um stöðu astoðarríkislögreglustjóra þar sem auglýsingin var svo vandfundin að nota þurfti stækkunargler til að finna hana.

Áttundi maður á lista Sjálfs.fl. í Suðurkjördæmi eignaði Sjálfs.fl. tilkomu Herjólfs fyrir sextán árum síðan í nýlegri grein,  en það vita allir sem eitthvað vita, að Steingímur J. hafði forgöngu um smíði skipsins.  Það eina
sem íhaldið getur eignað sér eru metrarnir sem aldrei voru smíðaðir við annan enda Herjólfs.
Að lokum: 
Maður, sem er á báðum áttum með það,
hverjum pólitíska flokknum hann á að greiða atkvæði,
er eins og sauðkind,
sem stendur og íhugar hvort betra sé að vera étin af refnum eða hrafninum.