Lygalaupar.

Sá heitasti í dag hann Indriði H Þorláksson, fyrrv. ríkisskattstjóri segir óumdeilt að skattar einstaklinga hafa hækkað á síðustu tveimur áratugum og skattbyrði aukist.  Hann segir að boðaðar skattalækkanir á síðustu árum hafi ekki skilað sér og varar við gylliboðum um frekari lækkanir í kosningabaráttunni.

Stjórnvöld hafa borið því við að kaupmáttur hafi aukist mikið og til þess verði að horfa þegar skattbyrði er metin.  Indriði gefur ekki mikið fyrir þau rök - og bendir á að einstaklingar sjái á eftir stærri hluta af kaupmætti tekna sinna til hins opinbera en áður var - sem þýði að skattbyrðin hefði aukist.

Niðurstaðan  er sú að menn hafi ekki staðið við að lækka skatta - segir Indriði: ".. boðaðar skattalækkanir með breytingum á skattalögum á undanförnum árum hafa ekki skilað sér... Loforð um lækkun skattbyrði með breytingum á skattalögum eru í eðli símu marklaus."

Þetta vekur óneitanlega athygli, þegar Indriði fyrrv. ríkisskattstjóri - fer fram og tjáir sig um skattastefnu stjórnvalda.
Ekki er annað að sjá en hún fái falleinkunn hjá embættismanninum fyrrverandi.

Hér birtist svart á hvítu það sem stjórnarandstaðan hefur haldið fram um skattastefnu ríkisstjórnarinnar. Spurningi er:  Ætlar fólkið í þessu landi, að vega aftur í sama knérunn og kjósa flokka, sem hafa hreinlega logið að okkur?
Vinsamleg ábending.  Ef stjórnin hefur svikið okkur einu sinni, þá er það hennar sök, en leyfum við það aftur, þá er það okkur sjálfum að kenna.