Fagnandi sigurvegarar.

      Fyrir fjölmörgum árum bjó í Bandaríkjunum maður sem af einhverjum ástæðum
var aldrei kallaður annað en Svarti demanturinn. Hann hafði fulla ástæðu til að brosa gleitt, enda hafði hann atvinnu af munni sínum, ef svo má að orði komast, og svipaði að því leyti til stjórnmálamanna sem eins og við vitum best, hafa ekki náð að loka á sér túlanum undafarna daga og vikur. Það sem gerði Svarta demantinum kleift að nota munn sinn sem atvinnutæki,
var að munnur hans var svo stór að hann lék sér að því að stinga báðum hnefum krepptum upp í sig fyrir áhorfendur sína. Nú væri ekki slæmur kostur fyrir mig að hafa þennan eiginleika
einmitt á morgun þar sem fyrsti leikur fer fram hér á Hásteinsvelli millum ÍBV og Þórara frá Akureyri. Því stærri kjaftur þá yrði krafturinn ofboðslegur, þegar ég hrópa,
áfram ÍBV, áfram ÍBV, áfram ÍBV.
Eins verður það með einhverja að þeir munu brosa allan hringinn, þegar tölur úr kosningunum
fara að birtast eftir klukkan tuttugu og tvö í kvöld. En án gríns eða þannig, smá innlegg fyrir hann Árna Johnsen vin okkar allra:  Sá er mestur sigurvegari, sem sigrar óvin sinn án þess að gefa pústra að sjómannasið.