Þeir syngja venjulega hæst í kirkjunni, sem syngja falskt.

       Guðleysingjarnir eru oft trúaðri en þeir ímynda sér,
        og þeir trúuðu eru það oft öllu síður en þeir halda.

Hvorki ég né nokkur annar maður veit með vissu um tilvist þessa heims. Við vitum, að líkamar okkar grotna eftir dauðann. Margir trúa því að sá hluti okkar, sem er ekki af holdi og blóði lifir áfram og geti ekki dáið. -
Trú á líf eftir dauðann, þar sem hinum saklausu er umbunað fyrir þjáningar sínar, getur hjálpað fólki til þess að þola sorgir sínar án þess að glata trúnni á almættið. Slíkt getur einnig gengið út í þær öfgar, að annar heimur verði mönnum afsökun fyrir að þola átölulaust óréttlætið í heiminum í stað þess að nota krafta sína til þess að draga þar úr. Það virðist bæði viska og hentug leið fyrir fólk, að hafa jafnan í huga þann möguleika að til sé annar heimur þar sem líf okkar heldur áfram í einhverju formi. Um leið skyldum við muna, að okkar raunverulegi heimur gæti  verið sá eini og að réttast er að lifa hér lífinu af fullri alvöru. Við ættum því ekki að láta trú okkar á tilvist annars heims aftra okkur frá því að leita réttlætis á jörðu. - Enginn veit hvers vegna það er, að menn eru dauðlegir eða hvers vegna þeir deyja þegar þeir deyja. Það hjálpar kanske til að sætta sig við þetta ef maður reynir að ímynda sér hvernig það væri að vera ódauðlegur í sínum jarðneska líkama. -.
Í Illiónshviðu Hómers segir frá því er Ódysseifur hittir Kalypsó, prinsessu sjávarins og dóttir guðanna. Kalypsó er guðleg vera og því ódauðleg. Hún hrífst mjög af Ódyfsseifi, sem dauðlegum manni enda hafði húm ekki annan slíkan fyrr hitt. Það kemur  fljótt í ljós að Kalypsó öfundar Ódyfsseif af því að vera dauðlegur. Henni finnst líf hans hafa meira innihald fyrir bragðið. Þar sem tími hans er takmarkaður verða ákvarðanir hans mikilvægari sem raunverulegt val milli kosta.

Til er kínversk saga sem hljóðar svo:
Kona sem missti einkason sinn fór með sorg sína til helgs manns og spurði hann, hvaða bænir hann kynni sem mættu verða til þess, að sonur hennar lifnaði að nýju. Hann sagði,- ég bið þig að finna þér fræ úr garði fjölskyldu sem aldrei hefur orðið fyrir sorg. Konan hélt af stað að leita að slíku frækorni.