BJÖRN TH BJÖRNSSON.

Aðeins  einu sinni átti ég því láni að fagna, að hitta og tala við Björn Theodór Björnsson rithöfund, sem nú er látinn.  Ég var sem oftar á dansaballi í Samkomuhúsinu í Vestmannaeyjum fyrir nokkuð mörgum árum síðan,  tókum  tal saman og gæddum okkur á viskíi með.  Björn mundi eftir föður mínum, þar sem  faðir minn og Baldvin gullsmiður faðir Björns áttu báðir það sameiginlegt, að vera kommúnistar og horfa vonaraugum til verkamanna í fyrrum Ráðstjórnarríkjunum, sem fyrirmyndarríkið. - Vænst þykir mér um bók Björns, Sandgreifarnir, en þar segir,  þegar faðir  hans hafði ákveðið flutning til Reykjavíkur; -  það var hálft líf í Reykjavík, líf á hækjum. Maður gat aldrei aftur orðið Biddi Bjöss, nema heima í Eyjum.