AÐ HAFA SLÆMA SAMVISKU.

Enn og aftur fáum við staðfestingu á, að innrás Bandaríkjanna í Írak var gerð á forsendum hagsmuna. Nú síðast vitnar fyrrum seðlabankastjóri Bandaríkjanna í ný útkominni sjálfsævisögu sinni að innrásin hafi verið gerð vegna olíu, ekki af því að Saddan var svo vondur maður eins og við fengum að heyra á sínum tíma frá leiðtogum framsóknar og sjálfstæðisflokks. - Velti því fyrir mér hvort leiðtogar stjórnarinnar á Íslandi á þessum tíma, sem lýstu stuðningi  og voru meðal hinna þrjátíu viljugu þjóða,  hvernig þeim gengur í dag að öðlast frið í sálu sinni, vitandi það, að saklaust fólk, börn konur og gamalmenni hafa örkumlast og ennþá fleiri látist af innrás Bandaríkjanna með stuðningi þeirra við innrásina.

Tugir létust í Írak í dag

Athugasemdir

[Gísli Foster Hjartarson, 16.9.2007 kl. 13:41]

Þessu liði er held ég bara slétt sama - þetta lið hefur aldri komið þarna og studdi þetta af einhverjum óskiljanlegum ástæðum - það er margt sem vesturveldin hafa á samviskunni - sem hefði svo auðveldlega verið hægt að vera laus við.

[Hin Hliðin, 16.9.2007 kl. 13:59]

Hvernig í ósköpunum getur þessi frétt verið staðfesting á því að innrásin var gerð á forsendum hagsmuna?

Það er alveg magnað að fylgjast með ykkur sem notið öll tækifæri sem þið finnið til að drulla yfir bandaríkjamenn.  Ef tækifærin eru ekki til staðar, eins og til dæmis tengingin við þessa frétt, þá er tækifærið bara búið til.

Það er eins og það skipti engu máli að al-Qaeda gaf út yfirlýsingu þess efnis að þeir ætluðu að drepa fullt af fólki.  En hei, fyrst að þeir drepa nánast bara íraka þá hlítur það að vera af því að bandaríkjamenn réðust inn í írak út af olíunni.