AÐ SOFNA Á VERÐINUM.

"Valsmenn í vænlegri stöðu" segja fjölmiðlar og FH-ingar taka einnig undir og segjast vera búnir að tapa baráttunni um það að verða Íslandsmeistarar í knattspyrnu.  Þeir eru klókir gaflararnir þegar þeir láta svona. Hættan fyrir Val er að þeir fari að hugsa sem svo, að nú sé eftirleikurinn auðveldur.- Þess vegna vonast ég svo sannarlega til, að Valsarar falli ekki í þessa gildru og sofni á verðinum. Þrátt fyrir að vera enginn aðdáandi Vals, tel ég tíma kominn á að annað félagslið hampi Íslandsmeistaratitlinum í fótbolta karla.

Valsmenn í vænlegri stöðu

Athugasemdir

[Stefán (IP-tala skráð) 24.9.2007 kl. 15:04]

Það verður að segjast eins og er að þetta er bara gott á FH-inga eftir framkomu þeirra gagnvart Fjölni og lánsmönnunum, enda hafa FH-ingar fengið almenning og knattspyrnuheiminn upp á móti sér í kjölfarið.

Stefán  

[Áhugi (IP-tala skráð) 24.9.2007 kl. 15:10]

Er hvorki stuðningsmaður Vals né FH og undir flestum kringumstæðum vildi ég frekar sjá FH hampa titlinum en Val. En eftir að FH neitaði strákunum í Fjölni um að spila úrslitaleikinn í bikarnum þá vona ég svo sannarlega að Valsmenn hirði titilinn fyrir framan nefið á þeim.

[Þórdís Inga (IP-tala skráð) 24.9.2007 kl. 15:27]

Án þess að vilja vera með mikil leiðindi þá verð ég að fá að benda á að það hlýtur að hafa verið klausa í lánssamningum strákanna sem eru hjá Fjölni að þeir mættu ekki spila á móti FH. Eini sénsinn á að það gerðist var alltaf í bikarnum, þeir hljóta að hafa vitað af þessu, eða lesa menn ekki samingana sína lengur?

[Björn Kr. Bragason, 24.9.2007 kl. 15:34]

Mér finnst eilítið undarlegt að menn vilji refsa FH fyrir það að fara eftir  samningum. Vissulega er súrt í broti fyrir þessa leikmenn að fá ekki að spila bikarúrslitaleikinn, en samningar eru samningar og eftir þeim á að sjálfsögðu að fara, ekki eins og FH-ingar hafi sjálfir fundið upp á þessu ákvæði, þetta viðgengst úti um alla Evrópu..

Ég held enn í vonina um að titillinn haldist í Hafnarfirði, sem KR-ingur alinn upp í Valshverfinu fékk ég á mínum yngri árum aldeilis að kenna á biturð og minnimáttarkennd Valsmanna í garð nágrannanna í vestri og bíð þess sennilega aldrei bætur

[FH-ingur 77 (IP-tala skráð) 24.9.2007 kl. 17:44]

Stefán þú ert fullur af gremju og leiðindum. Til hvers eru samningar ef ekki á að fara eftir þeim ? Ég er gallharður FH-ingur og  óskaði góðum félaga mínum Valsmanni til hamingju með sína menn. Hann var mjög hógvær og þetta væri ekki búið. Það  er ekki við FH-inga að sakast í þessu Fjölnismáli og það sagði þjálfari Fjölnis sjálfur.

kv. FH-ingur 77.  

[Annar Stebbi (IP-tala skráð) 25.9.2007 kl. 09:57]

Þetta snýst miklu frekar um að það þetta verði bikarleikur sem fólk yfir höfuð NENNIR að horfa á.  Nú.. FH'ingarnir í Fjölni eru mennirnir sem eiga hvað stærstan þátt í að lið eins og t.d. Fylkir komst ekki í úrslit.  Þannig að það er mín skoðun að það er bara fáránlegt að banna þeim að spila þennan leik, burtséð frá samningum.  Þetta verður til þess að það er alveg eins hægt að sleppa því að spila leikinn.... Fjölnismenn eiga ekkert erindi í þennan leik án máttarstólpa liðsins.

 Þetta er líka ósanngjarnt gagnvart öðrum liðum.  T.d. mætti fylkir mjög sterku fjölnisliði í undanúrslitum.... allt annað lið spilar svo úrlitaleikinn.

 Einnig eru þessir lánasamningar afar óheppilegir fyrir liðin "úti á landi" því þau hafa langt því frá sömu tækifæri til að fá lánsmenn eins og reykjavíkurliðin  og með sama áframhaldi eru utanbæjarlið dæmd til að vera í fyrstu deild um aldur og ævi.