FRESLI TIL AÐ LEGGJA LÍF SITT Í RÚST.

Þrátt fyrir stór tíðindi úr pólitíkinni í dag er annað sem rís hærra í mínum huga, en það er frumvarp þar sem gefa á sölu bjórs og léttvíns frjálsa. Vilhjálmur fyrrverandi borgarstjóri og sjálfsstæðisflokksmaður sagði í dag að hann og félagar hans í flokknum leyfðu sér ekki að taka áhættu með skattfé borgarbúa, en þar er aðeins verið að tala um peninga. Tillaga um það, að léttvín og bjór verði til sölu við hliðina á mjólkinni,  þar taka menn áhættu sem getur varðað líf og heilsu almennings og þá sérstaklega unga fólksins .  Því verður ekki móti mælt, að meira framboð og betra aðgengi eykur neysluna og fjölgar að sjálfsögðu þeim sem verða háðir áfengi og verða því miður alkóhólistar. Sem betur fer eru til þeir sem geta umgengis áfengi án teljandi vandræða, en margir eru þeir sem mundu móðgast stórlega ef þeir væru kallaðir alkóhólistar, en yrðu forviða á getuleysi sínu til að hætta. Að segja sem rök í máli þessu, að gott sé að geta keypt rauðvín með steikinni á sama stað, þykja mér léttvæg rök. Það er enginn sem bannar fólki í dag að nálgast sitt rauðvín með því fyrirkomulagi sem er í dag. Áhyggjur mínar beinast fyrst og síðast að unga fólkinu. Ég var ungur fyrir 50 árum síðan og ef ég hefði haft það aðgengi sem í dag er að áfengi, hvað þá ennþá betra eins og sumir vilja núna, væri ég ekki að skrifa þessa blogg grein, því ég væri ekki í tölu lifenda ,  það finnst mér tala sínu máli og  vera sterk rök gegn því, að auðvelda aðgengi að áfengi. Við sem slæma reynslu höfum af áfengi í gegn um tíðina, okkar álit hlýtur að vega þungt í máli þessu.

Athugasemdir

[Óskar Helgi Helgason (IP-tala skráð) 11.10.2007 kl. 21:59]

Heill og sæll, Þorkell !

Þakka þér góða færzlu, Hefi sjálfur, margsinnis komið inn á þetta illa mál.

Með beztu kveðjum, úr Árnesþingi / Óskar Helgi Helgason 

[Vendetta, 11.10.2007 kl. 22:06]

Það mikilvægasta er að lækka áfengisverð svo um munar, t.d. með því að leggja af áfengisgjaldið, svo að við 99% þjóðarinnar sem erum ekki alkar getum fengið okkur í glas með kvöldmatnum án þess að eyða aleigunni í það. Það er della, að frjálst aðgengi í áfenga drykki skapi það mikla neyzlu, að fólk verði áfengissjúklinga í hrönnum. Það er áróður bindindismafíunnar.

[Þorkell Sigurjónsson, 11.10.2007 kl. 22:14]

 Það ætla sér enginn að verða háður áfengi, en staðreyndir tala sínu máli. 

[Jensen (IP-tala skráð) 11.10.2007 kl. 22:55]

Sigurður Kári Kristjánsson,sá furðulegi þingmaður,hefir barist allharkalega fyrir þessu frumvarpi að það nái fram að ganga.Man ekki betur en að hann hafi misst teinið  vegna notkunar á þessum vökva.Stórsjoppueigandinn Bjarni Ben,vill að þetta nái fram að ganga líka..jæja nóg í bili.