AÐ LEGGJAST Í VÍKING TIL KÍNA.

Ætli Hannes Hólmsteinn vita af þessum gjörningi, eða er hann kannski aðalkallinn í útrásinni?  Nú mega Kínverjar sko passa sig þar sem ég spái því að innan fárra ára verði það litla sem eftir er af kenningum kommúnismans hjá Kínverjum í dag muni þær  endanlega hverfa, þegar Hannes Hólmsteinn verður búinn að plægja akra Kínaveldis um stund. Þar með sé ég fyrir mér að verkefnaskortur er fyrirsjáanlegur hjá honum. 

 - En ef til vill ætti Hannes Hólmsteinn ekki að örvænta, því nú hafa opnast ný verkefni fyrir hann þ.e.a.s. sannfæra fólk um,  að allt sé í lagi þrátt fyrir að  einkavinirnir sem stýra bönkunum í dag, ætla heldur betur að þjarma að almenningi með  hærri vöxtum, hærri en nokkru sinni  áður.  Einkavæðingin hefur þar með steytt á skeri og ekki skilað almenningi þeirri hagsæld, sem frjálshyggjuliðið og Hannes lofuðu, þegar bankarni voru nánast gefnir á sínum tíma af ríkisstjórn Davíðs Oddssonar. 

 

 

Háskóli Íslands eflir samstarf sitt við kínverska háskóla

Athugasemdir

[padre (IP-tala skráð) 9.11.2007 kl. 08:49]

Jú jú, en var allt svo fullkomið og dásamlegt fyrir almenning þegar kommissarar stýrðu bönkunum í gamla daga? Og þetta hef ég ekki heyrt fyrr, að bankarnir hafi verið gefnir. Hverjum? Bauðst ekki öllum almenningi að kaupa í Búnaðarbankanum til dæmis? Ég man ekki betur.