GULL ÓX ÚR LÓFA MÍNUM?

Kraftaverkin gerast enn.  Hún Árný Heiðarsdóttir og sonur hennar fóru á ráðstefnu hjá Toranto Airport Christian Fellowship í Kanada. Mikið hefur verið talað um þá vakningu sem átt hefur sér stað í þessum söfnuði.

Í þessari ferð upplifði ég stórkostlega hluti, þarna var gríðarlegur lækningarmáttur og andi Drottins var greinilega að vinna í fólkinu þarna. Þarna læknaðist maður m.a. sem var með krabbamein í tungunni og haldinn illum anda og fékk lækningu á staðnum.

Þú sást gull vaxa úr líkömum fólks og þú sást gull vaxa úr lófa þínum, hvernig gerðist þetta?

Það kemur til mín kona þar sem við eru að dansa og lofa Drottinn og hún sýnir mér hendur sínar og sé að þær eru þaktar gulli.  Ég stari á þetta lengi og ætlaði ekki að trúa því sem ég sá.  Við þetta lít ég í lófann minn og sé að gull er byrjað að vaxa þar, þetta byrjar smátt en verður alltaf meira og á endanum eru báðir lófar þaktir gullryki.

Þú tókst með þér sýni heim til að sanna mál þitt og fórst til þeirra hjá Nýsköpunarmiðstöð Íslands og hvað kom út úr þeirri rannsókn? Þeir settu þetta í smásjá og leit út eins og sex strengjahliða steinar. Ég fékk að skoða þetta og það var svo fallegt, svart og gull í kringum og fjórir steinar fastir saman. Efnin eru samsett úr fjórum frumefnum og hafa þeir ekki séð svona samsetningu áður.

Nú gerðist þetta aftur á fundi AGLOW kvenna í Vestmannaeyjum að gull fór að vaxa? Já á fundi á þriðjudaginn, þá byrjaði að sáldrast gull niður á skóna mína úr höndum mínum.  Konurnar þarna sáu hvað var að gerast og gátu þær tekið gullið upp úr gólfinu og skoðað.  Þetta sannar án alls vafa að Guð er til.

Athugasemdir

[Halla Rut , 16.11.2007 kl. 12:02]

Ertu að grínast?

[Halla Rut , 16.11.2007 kl. 12:48]

Bloggaði nú aðeins um þetta á mínu bloggi. Vona að þú verðir mér ekki reiður en ég bara varð.

[Huld S. Ringsted, 16.11.2007 kl. 13:06]

Ég segi það sama, ertu að grínast?

[Þorkell Sigurjónsson, 16.11.2007 kl. 13:32]

Nei, nei ég er ekkert að grínast. Konan  upplifði þetta og meira að segja sonur hennar einnig skrifa um reynslu sína  á Eyjamiðilinn okkar,  eyjar.net   og þar getið þið lesið um þetta sjálfar. Gaman væri að heyra álit ykkar eftir lesturinn.

[Ásthildur Cesil Þórðardóttir, 16.11.2007 kl. 19:18]

Ef þú hefðir sagt að það hefðu sprottið munablóm og kærleikur út úr brjóstum fólksins á staðnum hefði ég trúað því.  En Gull.  Þá er ekkert um annað að ræða en dans kring um gullkálfinn.  Og fólk þarf að breyta um kúrs.  Þarna var Mammon að verki en ekki það sem trúaðir kalla Guð.

[Siggan (IP-tala skráð) 20.11.2007 kl. 00:09]

magnað að lesa þetta

ég var á kristilegu móti og þar voru 9 manns sem upplifðu þetta

það var ótrúlegt að sjá þetta fyrir framan augun á sér

og því er magnað að lesa að þarna sé kona sem staðfestir að þetta er ekki eithvað einsdæmi

það sem ég sá var glitrandi eins og gull og byrtist bara allt í einu á höndum fólksins og tugir tugir manna urðu vitni af þessu

tókum myndir sem sýna þetta efni koma út úr fingurgómunum og lófum fólksins

ekki veit ég hvernig eða af hverju...........samt er þetta nú sannleikur

og því get ég skrifað þetta