ÞAKKLÆTI OG KÆR KVEÐJA TIL STARFSFÓLKS Á LANDSPÍTALANUM.

Minnkuð dælugeta hjartans getur valdið því að blóð safnast í smáæðar lungna og þær yfirfyllast.

Við það getur vökvi lekið út úr þeim inn í lungnavefinn og valdið lungnabjúg. Einkennin eru mæði og andþrengsli.

Meðal almennings er þetta stundum kallað að fá vatn í lungun.

Einkennin eru þreyta, bjúgur og almennur slappleiki. Önnur einkenni, sem einnig geta komið fram, eru ógleði, lystarleysi, brjóstverkur, óreglulegur hjartsláttur og svimi.

Á myndinni hér fyrir ofan í vinstri hringnum má sjá teiknaðan smá ferning sem sýnir nákvæmlega þann stað kransæðar,  sem lagaður var hjá konunni  minni s.l. mánudag á hjartadeild Landspítalans.

Þetta sem skrifað hefur verið hér fyrir ofan er nákvæmlega það sem kona mín hafði upplifað undanfarnar vikur.

Fyrir dugnað Hjartar Kristjánssonar læknis hér í Vestmannaeyjum fór kona mín í kransæðavíkkun einni klukkustund eftir að við komuna til Reykjavíkur s.l. mánudag.

-Fyrsta kransæðarvíkkun  hér á landi var framkvæmd á Landspítalanum árið 1987.

Síðan þá hefur fjöldi kransæðavíkkana hér á landi farið vaxandi með hverju ári og eru nú gerðar um 600 slíkar á hverju ári.

Kransæðavíkkun er gerð í staðdeyfingu og er beitt sömu hjartaþræðingartækni og við kransæðamyndatöku. Þannig má taka myndir af æðunum fyrir og eftir víkkun svo og meðan á víkkun stendur.

Í sumum tilfellum getur þurft að setja stoðnet (kona mín fékk slíka meðferð) til að halda æðinni vel opinni. Það er eins konar nethólkur úr stáli sem settur er inn í æðina og verður eftir þar.

Ég mátti til með að setja þetta á bloggið af því, að ég er svo innilega þakklátur öllum því fólki, sem að aðgerð konu minnar komu á hjartadeild Landspítalans og það jafnt um lækna, hjúkrunarfólk og alla aðra sem ég og kona mín kynntumst þann stutta tíma sem við vorum á hjartadeildinni s.l. mánudag og þriðjudag

Það er með ólíkindum hvað allt þetta hjúkrunarfólk verður að láta yfir sig ganga í miklum þrengslum og við erfiðar aðstæður, en samt vinnur það sína vinnu með bros á vör. Þeir sem stjórna peningastreymi í heilsugæsluna á þessu landi, færu nú kannski, að hugsa sinn gang ef þeir þyrftu á aðstoð Landspítalans að halda og sæju vinnuaðstöðu allra þeirra sem á Landspítalanum starfa.

Konan mín og ég sendum ykkur innilegar þakkir og kveðjur,

starfsfólki og sjúklingum á Landspítalanum í Reykjavík.

 

 

 

Athugasemdir

[Ólafur Ragnarsson, 24.12.2007 kl. 01:26]

Ég get tekið undir orð þín af eigin reynslu af bæði Hirti og starfsfólki Landspítalans.Vona að frúin nái sér fljótt.Kært kvaddur

[Svava frá Strandbergi , 26.12.2007 kl. 23:42]

Bestu kveðjur til Betu með von um að hún nái sér fljótt.