EYVERJAHRÓSIÐ ÁRIÐ 2007.

Það vakti athygli mína, þegar ég las blað Eyverja "Stofnar" núna í vikunni,

að þar mátti lesa um "Eyverjahrósin" og er eitt hrósið tileinkað

minnihlutanum hér í Eyjum, þ.e.a.s. V-listanum, sem hefur þrjá menn af

af sjö sem sitja í bæjarstjórn Vestmannaeyja. Hrósið er á þessa leið:

Stjórnmálaafrek ársins.

"Ótrúlega góð samvinna minni- og meirihluta Bæjarstjórnar Vestmannaeyja

er samvinna sem Eyjamenn eru ekki vanir. Samvinnan hefur skilað því,

að bæjarbúar eru almennt séð mun jákvæðari á framtíð Vestmannaeyja en

áður".

Svo mörg voru þau orð. Ég fæ engan veginn botn í hvernig góð samvinna í

bæjarstjórn hefur aukið á bjartsýni fólks. Þegar skoðaður er sá tími, sem

liðinn er frá síðustu bæjarstjórnarkosningum, sýnist mér harla lítið hafa

gerst í þessum bæ nema það helst, sem áður hafði verið ákveðið. Þessi

tæpu tvö ár undir meirihluta stjórn Sjálfstæðisflokksins hefur nákvæmilega

ekkert gerst. Og svo það, sem engann skyldi kannski undra, að þeim í

meirihlutanum þyki svona vænt um sofandahátt minnihlutans og tala um

 góða samvinnu virkar á mig, sem grín um aulahátt V-listans.

 

 

Maður veltir því fyrir sér hvort þeir V-lista menn séu ekki til þess, að veita

aðhald, en það orð er greinilega ekki til í þeirra orðasafni, en kannski er

skýringin sú, að

 þegar ekkert gerist í málefnum bæjarins, þá geta öll dýrin í skóginum

verið vinir. Nú, mitt álit er, að þegar Sjálfstæðismenn lýsa slíkri ánægju

með lognmollu minnihlutans í bæjarstjórninni, þá fyrst þurfa fulltrúar

 V-listans, að vakna af sínum Þyrnirósar svefni og

gæta að sér og rífa sig og samfélag okkar hér í Eyjum upp af dofanum, sem

ríkt hefur þetta kjörtímabil. - Ég held satt að segja, að enginn friður sé

rofinn, að ég sem einstaklingur í bæ þessum bendi minni hlutanum

vinsamlega á, að gagnríni, aðhald og umræða sé af hinu góða um málefni

bæjarfélagsins.  

 

 

 

 

Athugasemdir

[Georg Eiður Arnarson, 9.1.2008 kl. 19:40]

Sammála þessu . kv.

[Helgi Sigurlásson (IP-tala skráð) 9.1.2008 kl. 20:56]

Sæll Keli  Sammála kverju orði hjá þér   HelgiLása

[Sigþóra Guðmundsdóttir, 10.1.2008 kl. 01:59]

Lognmollan gæti þó stafað af því að það sem hefur verið að gerast í Eyjum að undanförnu er það sem V-listafólk ákvað fyrir ekki svo löngu og yrði hálf hallærislegt að fara að æsa sig yfir því þegar í minnihluta er komið... eða er það ekki?

[Þorkell Sigurjónsson, 10.1.2008 kl. 09:30]

Sæl Sigþóra. Það er einmitt þetta sem ég er að tala um, að það sem áður var ákveðið af V-listanum hefur verið klárað og ekki söguna meir. Hitt er svo það sem mér finnst vanta, að fleiri en Elliði Vignisson láti í sér heyra í bæjarstjórn Vestmannaeyja og málefni bæjarins frá hlið V-listans. Mér finnst það líta þannig út, sem bæjarstjórinn einn sé í bæjarstjórn og enginn annar!