JA NÚ ER ÞAÐ SVART MAÐUR, ALLT ORÐIÐ HVÍTT.

Í Vestmannaeyjum 2. mars 2008.

  
Ja nú er það svart maður allt orðið hvítt.

Þar sem ég er hér á jarðhæð við Kirkjuveginn kemst ég ekki út

um útidyrnar fyrir það að inngangurinn að útihurðinni er troðinn af snjó,

sem er mannhæðarhár.

Veit satt að segja ekki hvort ég treysti mér, að reyna það að

moka mig út, reyndar er ég ekki með neina skóflu hér inni og verð

sennilega

að nota guðsgafflana.  Það litla sem ég

 sé út úr íbúðinni er, að snjórinn

er meira en mannhæðarhár hér allstaðar fyrir utan húsið.

En eins og segir einhversstaðar;

nú er úti veður vont, en verður vonandi ekki að klessu.

Læt vita hérna á síðunni hvernig gengur að komast út og fleira.

 

 

Innisnjóaðir Vestmannaeyingar

Athugasemdir

[Árni Sigurður Pétursson, 2.3.2008 kl. 13:50]

ef að þú þarft þeim mun nauðsinlegar ekki að fara út

vertu þá heima hjá þér.

ég var endavið að labba frá háseinsvegi og heim uppá helgafellsbraut, og maður var að berjast á þeim götum þar sem að ekki er búið að ryðja.

en já.. ef að þú ákveður að fara út, þá geturu alltaf notað potta sem "skóflu" 

[Ásthildur Cesil Þórðardóttir, 2.3.2008 kl. 13:58]

Bestu kveðjur til ykkar í ólátaveðrið í Vestmannaeyjum,  hér er allt orðið betra. 

[Grétar Ómarsson, 2.3.2008 kl. 14:09]

Ég fór í göngutúr með henni Jónu minni í hádeginu og ætluðum við að fara í búð.

Vöruval, Toppurinn og Tvisturinn, allt lokað og læst en Svenni Magg í Klettinum sá ekki ástæðu til að hafa lokað og var mættur út að moka frá bensíndælunum í morgun, ekki átti hann von á að mikið yrði að gera í eldsneytissölunni hjá sér í dag en hann vill bjóða upp á toppþjónustu fyrir sína viðskiptavini.

Einnig fórum við Jóna í Vilberg og náðum okkur í góðgæti með kaffinu, afgreiðslustúlkan þar sagði að við værum þau þriðju sem heimsóttu bakaríið í dag.

Ég verð að viðurkenna að það tók vel á að berjast við skaflana en þetta var mjög gaman.

[RagnaB (IP-tala skráð) 2.3.2008 kl. 16:36]

Hér í efri byggð leggur maður bara ekki í hann.Þetta er kannski gott fyrir verslunareigendur.Þeir eiga ekki marga frídagana á ári.Jóladagur.Páskadagur,föstudagurinn langi,hvítasunnudagur,17 júni.heilir5 dagar.En hvítar kveðjur úr efri byggð.

[Þorkell Sigurjónsson, 2.3.2008 kl. 18:09]

Þakka ykkur innlitið og góða ábendingu frá þér Árni með mokstursverkfæri, en ég notaði pottlok. En eins og staðan er, þá þíðir ekkert stress vera bara hress. Takk og keðja til ykkar.