EINN AF MÖRGUM LISTAMÖNNUM FRÁ EYJUM.

Myndlistar- og tónlistarmaðurinn Guðni Agnar Hermansen

hefði orðið áttræður í dag.

Guðna má efalaust telja meðal þeirra meistara

myndlistarinnar sem Vestmannaeyjar hafa alið.

Einnig var Guðni mikill unnandi jass og sjálfur spilaði hann á

saxafón.

Þetta olíumálverk er eftir Guðna og er í eigu bloggara síðunnar.

Hún mun vera frá árinu 1948 og máluð á vaxdúk, sem vinsælir voru til

notkunar á eldhúsborð í gamla daga.

Einu sinni kom ég að máli við Guðna og vorum við þá báðir tveir

staddir á dansleik í Samkomuhúsinu hér í Eyjum.

Ég vatt mér að Guðna og spurði formálalaust

hvort hann féllist ekki á, að kenna mér listmálun.

Svar hans var einfalt;

Enginn lærið það, að verða listamaður,

það kemur innan frá. 

Athugasemdir

[Ásthildur Cesil Þórðardóttir, 29.3.2008 kl. 19:03]

Til hamingju Vestmanneyingar með þennan listamann, það auðgar samfélagið að eiga slíka.

[þorvaldur Hermannsson, 29.3.2008 kl. 19:29]

Sæll Keli,Ég er að átta mig á því í dag hvað hann dó úngur.kv

[Sigmar Þór Sveinbjörnsson, 30.3.2008 kl. 00:29]

Heill og sæll Keli já Guðni var snillingur og fór of fljótt, gott að minnast þessara manna sem gerðu garðinn frægan á okkar tíð.

kær kveðja