FYRIR 75 ÁRUM SÍÐAN.

Um þessar mundir munu vera um það bil

75 ár frá valdatöku Adolfs Hitlers í

Þýskalandi.

Fyrir nokkru síðan las ég bókina,

"Samræður við Guð". Í bókinni er Guð

spurður um Hitler og Hann svarar:

Hitlersupplifunin varð til vegna

hópvitundar.  Margir halda því fram að

Hitler hafi togað hóp með sér á

 asnaeyrunum - landa sína að þessu

 sinni - með lævísi sinni og málsnilld.

En þetta varpar allri sökinni á Hitler eins og hentugt má kalla-og það er

nákvæmlega eins og flestir vildu hafa það.

En Hitler gat ekkert aðhafst án samstarfs, stuðnings og þjállar undirgefinna

milljóna manna. Undirflokkur sem kallar sig Þjóðverja hlýtur að taka á sig

feiknalega ábyrgð á helför gyðinga.

Slíkt hið sama verður stærri hópur sem kallast "mennskir" menn að taka á

 sig að nokkru leyti,  en hann lét sig litli skipta þjáningarnar í Þýskalandi

 uns þær komust á það hrikalega stig, að hinir kaldlyndustu gátu ekki leitt

þær hjá sér.   Það er nefnilega samvitundin sem braut frjóan akur fyrir vöxt

nasistahreyfingarinnar.

Hitler greip tækifærið,  en bjó það ekki til.

Ógnir Hitlersupplifunarinnar voru ekki að hann framdi þær á mannkyninu,

heldur að mannkynið leyfði honum að gera það.

Undrunarefni er ekki aðeins að Hitler gekk fram á sjónarsviðið, heldur líka

hve margir fylgdu honum.                  

Svívirðan er ekki aðeins sú, að Hitler

 drap milljónir gyðinga, heldur að það

 þurfti að drepa milljónir gyðinga  áður

en Hitler var stöðvaður.

Tilgangur Hitlersupplifunarinnar- var

 að sýna mannkyninu sjálft sig.

Hitler var ekki sendur til ykkar.

Hitler var skapaður af ykkur.  Hann steig upp úr samvitund ykkar og hefði

ekki getað verið til án hennar.  Það er lærdómurinn sem af þessu má draga.

Hvers vegna fór Hitler til himnaríkis?

Af því að Hitler gerði ekkert rangt.

Hitler gerði bara það sem hann gerði.

Ég minni þig aftur á, að milljónir

manna héldu árum saman að hann

 hefði rétt fyrir sér.  Var þá við öðru að

búast en hann héldi það sjálfur?

Seint og um síðir komst veröldin að þeirri niðurstöðu, að Hitler hafði rangt

fyrir sér.

Það er að segja, að þjóðir heims lögðu nýtt mat á hverjar- þær eru, og

 hverjar- þær kjósa- að -vera,  miðað við Hitlersupplifunina.

                                  Það mætti spyrja sem svo eftir þennan lestur:

          Höfum við eitthvað lært á þessum 75 árum?

 

Athugasemdir

[Ásthildur Cesil Þórðardóttir, 3.4.2008 kl. 00:29]

Við höfum lært ótrúlega lítið á þessum sjötíu og fimm árum. 

[Guðjón H Finnbogason, 3.4.2008 kl. 10:40]

Það má seigja að Þjóðverjar hafi lært mikið af þessu tímabili sinnar sögu.Hitler var mikilmenni í öllu sem hann tók sér fyrir hendur ekki allt gott sumt á mörkum geðbilunar en margt sem Þjóðverjar geta enn þakkað honum eins og Hraðbrautarkerfið og margt annað.Þetta með helförina,það má seigja að það er furðulegt hvað hann komst langt með þetta,en hvað gera svo júðarnir eru þeir eitthvað skárri gagnvart sínum nágrönum.Ég er búinn að vera mikið í Þýskalandi og finnst gott að vera þar en maður finnur enn fyrir áhrifum fátæktarinnar í stríðinu og eftir stríð.Tengdafaðir minn starfaði við leikhús í Þýskalandi ´milli ´70 og ´80 og þá var haldið mjög strangt aðhald í öllu sem var á sviðinu sem var ferskt eins og ávextir,grænmeti og blóm og ef einhverjum var það á að fá sér epli eða eitthvað annað sem ekki var í prógramminu þá var það illa séð.

[María Kristjánsdóttir, 3.4.2008 kl. 17:43]

Ég held að stór hópur Þjóðverja falli undir þá fáu í heimnum sem lærðu eitthvað af valdatöku Hitlers. 'eg spyr mig stundum hvenær ætlum við að horfast í augu við ábyrgð okkar á hörmungunum í Miðausturlöndum?

[Þorkell Sigurjónsson, 3.4.2008 kl. 21:21]

Sæl verið þið bloggvinir mínir.  Að mínu áliti er kjarni málsins sá, að Hitlersupplifunin hafi verið, að sýna mannkyninu sjálft sig. Hvort það hefur tekist á þessum 75 árum má sjálfsagt endalaust deila um, en ég leyfi  mér að efast um það.

Sendi mína bestu kveðjur til ykkar og takk fyrir innlitið.

[þorvaldur Hermannsson, 3.4.2008 kl. 22:59]

Hitler var ekkert verri en Stalín,sem þú dýrkaðir.ha ha ha

[Þorkell Sigurjónsson, 3.4.2008 kl. 23:55]

Nei bíddu nú við Þorsteinn minn góður. Þrátt fyrir að ég hefi stundum verið kallaður Keli "kommi" má ekki túlka það sem ég hafi verið einhver sérstakur dýrkandi Stalíns. Á árunum áður voru flestir sem fylgdu kommunum að málum hlynntir Sovétkerfinu og Stalín,  satt er það og ég sjálfsagt þeirra á meðal. Taka skal fram, að ég var aðeins ellefu ára þegar Félagi Stalín féll frá, svo ég hafði ósköp lítið af honum að segja.

Nú talandi um báða þessa heiðursmenn Hitler og Stalín þá voru ótrúlega margi sem hrifnir voru af Hitler hér á Íslandi og komu þeir að mestu úr röðum Sjálfstæðisflokksins. En svo þegar Hitlers hrifningin leið undir lok runnu þessi aðilar ljúflega aftur til höfuðhúsanna, þ.e.a.s. Sjálfstæðisflokkinn. Sama má segja um Stalín og vinstri menn, eða kommanna.  Þannig er nú það Þorsteinn minn. Vonandi heldur þú áfram að koma hér með þínar athugasemdir Þorsteinn, þrátt fyrir að ég er hreinskilinn maður og viðurkenni það að ég sé kommi, sem almenningur hefur notað í gegn um tíðina hér á Íslandi, sem skammaryrði á þá sem voga sér að gagnrýna okkar ágæta þjóðfélag?  Kveðja.  

[þorvaldur Hermannsson, 4.4.2008 kl. 21:58]

Það er alveg satt þetta var notað sem skammaryrði. Ég vildi bara vita hver viðbrögðin yrðu.kv

[G Antonia, 5.4.2008 kl. 00:36]