ÁSTÆÐA ER TIL, AÐ MINNA ENN OG AFTUR Á VERÐLÆKKUN BÍLA FRÁ HEKLU.

 Þegar ég las af hækkun á vöruverði um 5-7% datt mér í hug

auglýsing frá bílaumboði Heklu fyrir nokkrum dögum síðan.

Þar sagði:

Hekla lækkar verð á bílum um allt að 17 %.

Forsvarsmenn launþega og atvinnulífsins fögnuðu þessu ágæta

útspili bílaumboðsins og er ástæða til að taka undir það.

Einnig var það í þætti Sigmundar Ernis í gærkvöldi, að hann sá

ástæðu til þess, að hrósa umboði Heklu fyrir framtakið.

Nú bregður svo við, að forsvarsmaður annars bílaumboðs

er ekki eins hress og aðrir með þessar lækkanir.

Framkvæmdastjóri Brimborgar finnur lækkun Heklu allt til foráttu.

Hann býður uppá ýmsar reiknikúnstir til að gera sem minnst úr

lækkunartilboði umboðs Heklu.

Satt að segja kemur mér  í hug sagan, sem Sölvi Helgason sagði af

sjálfum sér um hversu skarpur hann var í reikningi, þegar hann atti

kappi við mesta reiknimeistara Danmörku og Evrópu á þeim tíma.

 Sölvi var svo snjall, að eigin sögn, að hann reiknaði tvíbura í vinnukonu

og ekki nóg með það, annað barnið var svart og hitt hvítt.

Mitt ráð til framkvæmdastjóra Brimborgar er, að í stað þess, að skeyta

skapi sínu og neikvæðum reiknikúnstum

 á bloggsíðu sinni í dag, sem hann nefnir

"Lof lyginnar"

finnist mér hann væri maður að meiru,

ef hann beitti sér frekar innan síns fyrirtækis

til lækkunar verðs á þeirra bílum og hætti

þessu tuði um litla lækkun á verði bíla hjá  bílaumboði Heklu.  

 

 

 

 

Vöruverð í lágvöruverslunum hækkar um 5-7%

Athugasemdir

[Þórarinn Þ Gíslason (IP-tala skráð) 6.5.2008 kl. 01:52]

Sæll "Gamli"

Ég er 100% sammála þér,minn kæri.

Gangi þér allt í haginn.

[Hr. Z, 7.5.2008 kl. 10:47]

Ef ég býð þér ormétið og myglað mjöl sem fyrsta flokks vöru er þá ekki rétt að vara við því?

Bifreiðaumboðið Hekla hefur, því miður, gerst sekt um auglýsingaskrum af versta tagi.  Það getur hver sem er séð með einföldum samanburði á verðlistum þeirra.  Bíllinn, þessi eini, sem lækkaði um 17,1% er beinskiptur Audi og það er meira en ár síðan þeir seldu þannig bíl.

Annað dæmi um óvönduð vinnubrögð Heklu er að þeir sendu skráðu VW Polo í sparaksturskeppni Atantsolíu en sendu VW Fox sendibíl sem er töluvert minni og léttari en Polo.