ALDREI OF RÍK TIL AÐ HUGSA.

15.2.2009 | 13:58

ALDREI OF RÍK TIL AÐ HUGSA.

Sæl verið þið öll saman.
Ég hefi lítið haft mig í frammi hérna á minni bloggsíðu.
Einhvern veginn hefi ég ekki fundið þörf hjá mér til að láta í ljósi
athugasemdir og gagnrýni á menn og málefni.
Það þýðir samt ekki, að ég sé orðinn skoðana laus síður en svo.
Vilhjálmur sá ágæti maður og fleiri tjá sig um kreppuna og
allt sem undanfarna mánuði hafa fært okkur.
Mönnum er hugleikið hvað hver og einn svo og aðrir hafa tapað
á hruninu.

Þar sem nú er á næstunni kosningar til alþingis eru menn farnir
að viðra sig og flokk sinn, sem góðan valkost til forystu næstu fjögur
árin.
Allt er þetta gott og blessað og tilheyrir lýðræðinu.
En eins og ég sé þetta fyrir mér,
virðist það einu gilda hvort frambjóðendur eru frambærilegir eður ei,
þá eru það hagsmunir flokksins sem á endanum ræður för.

Það er eins og segir í "hugleiðingu dagsins".
Heimurinn þarf ekki á ofurmennum að halda heldur
ofureðlilegu fólki.
Mönnum sem víkja sjálfinu brott úr lífi sínu og leyfa Guði að vinna
gegnum sig.
Láta innblástur fá sess metnaðarins.
Leitast við að ná meiri þroska í andlegum efnum,
fremur en að áskotnast auður og frægð.
Aðal metnaður okkar ætti einkum að beinast að því að verða
Guði til gagns.
Hinn guðlegi kraftur nægir til allra andlegra
viðfangsefna heimsins.
Guð þarfnast aðeins áhalda til verks síns.
Þau geta endurskapað heiminn.