AÐ KOMA VEL FRAM VIÐ ALLA.

 

 

 

Í pistli, sem ber heitið "Bakþankar" og birtist á baksíðu

Fréttablaðsins á hverjum degi var einn slíkur í s.l. viku

og er eftir Jón Sigurð Eyjólfsson.

Pistillinn vakti mig virkilega til umhugsunar um lífið og tilveruna og

vonandi verður mér fyrirgefið að ég birti hann.

 

Með Clapton úti á engi:

Dag nokkurn á öndverðum sjöunda áratug síðustu aldar kom

ungur maður að tali við stöðvarstjóra á lestarstöð skammt frá

Beaulieu á Englandi.

Sá ungi bar höfuðið ekki hátt enda hafði hann lognast útaf nóttina

áður á drykkju samkomu á tjaldstæði í nágrenninu, vaknað síðan

glerþunnur og peningalaus.

Þar að auki var hann búinn að gera í brækurnar og æla yfir sig allan.

Menn sem þannig er ástatt fyrir eru ekki líklegir til að ná einhverjum

árangri í samningaviðræðum.

En stöðvarstjórinn sá aumur á þeim unga og hripaði

skuldarviðurkenningu svo hann kæmist heim til

Ripley.

Af hverju í ósköpunum skyldi hann hafa gert það?

 Hvað fær menn til að treysta einhverjum sem er með allt niður um sig?

Ekki nóg með það heldur lætur hann reyna á þolrif samferðarfólksins,

sem var almennilega til fara og þurfti að þola návist þessa

útataða saurlífsseggs.

Stöðvarstjórinn hefur verið meðvitaður um það,

að skuldir má afskrifa en mannsandann aldrei.

Jafnvel þótt hann sé í lægstu skör niðurlægingarinnar.

Og oft vill það nú verða þannig, að sá sem þekkir lægðirnar

fær oft viljann og máttinn til að lyfta mannsandanum í efstu hæðir.

Og stöðvarstjórinn hafði á réttu að standa.

Lífið er oft eins og rúsibani og þó maður rekist á einhvern,

sem kominn er á fjóra fætur

væri manni hollast,

að staldra við áður en hann er afskrifaður líkt og skuld

fyrrverandi auðkýfings.

Enda rættist heldur betur úr þessum unga manni,

Eric Clapton að nafni, þó vissulega hafi hann lognast út af við

sullið nokkrum sinnum síðan.

Clapton hefur komist til æðstu metorða enda lyft anda ófárra upp

til skýja með tónlist sinni.

Hann hefur einnig opnað

meðferðarstofnun fyrir vímuefna fíkla og því afeitrað marga,

sem áttu það á hættu að vakna illa á sig komna úti á engi.

Við Íslendingar erum einmitt núna ný vaknaðir úti á engi eftir svakalegt

svall og ástandið er ekki upp á marga fiska, kannski nokkrar gulldeplur.

Samningsstaða okkar er því svipuð og hjá gítarleikaranum knáa í

árdaga.

Ég vil því benda sendinefnd Alþjóða gjaldeyrissjóðsins á

sjálfsævisögu Eric Claptons,

en hún er á tilboði núna og kostar ekki nema

átta pund.

 

Athugasemdir

[þorvaldur Hermannsson, 8.3.2009 kl. 22:02]

Kveðja til Eyja frá Valda

[þorvaldur Hermannsson, 8.3.2009 kl. 23:45]

Sæll Keli,Ætlar þú ekki að hvetja Jóhönnu í formannin?kv

[Þorkell Sigurjónsson, 9.3.2009 kl. 10:45]

Sæl og blessuð bæði tvö. Alltaf gaman að fá þig í heimsókn Bb. Þorvaldur minn þú veist að ég er rótækari en svo, að ég láti mig mál Samfó varða.   Kær kveðja til ykkar beggja.

[Þórarinn Þ Gíslason (IP-tala skráð) 12.3.2009 kl. 05:50]

Sæll Keli.

Þetta var gott innlegg.

Kveðja.