Í RIGNINGUNNI Í HENNI REYKJAVÍK.

 

Þegar við kveðjum þennan heim tökum við enga

efnislega hluti með okkur.

Við höldum ekki á einni krónu í köldum höndum.

Það eina sem við getum tekið með okkur er það sem við höfum miðlað

öðrum.

Ef við höfum verið hjálpfús kann það að fylgja okkur,

ef við höfum verið gjafmild á tíma okkar og fémuni kann það að

teljast okkur til gildis síðar.

 

 

Þegar ég  var á göngu minni í rigningunni hérna í

fáfarinni götu í henni Reykjavík í dag gerðist það,

að ég hitti á fyrr um vin minn og "félaga" til margra ára úr heimabyggð.

Leiðir okkar skildu fyrir 45 árum og "félaginn" hætti að heilsa

mér  þrátt fyrir að við hittumst oft á förnum vegi heima.

 

Einhver segði það hreina tilviljun að við fyrrum "félagarnir" hittumst

einmitt núna og tókum tal saman.

Reyndar hafði ég fyrir nokkru síðan vottað honum samúð mína,

vegna fráfalls náins ættingja hans.

Þegar við fórum að ræða saman og hann fór að segja mér frá

mikilli sorg og erfiðleikum,

sem hann og fjölskylda hans hafa gengið í gegn um á stuttum tíma

 

 kom þar einmitt að orðræðu okkar,

hversu fánýtt er veraldar prjál,

þegar heilsan er farin og dauðinn tekur sinn toll.

Fyrir mér varð þessi óvænti fundur okkar fyrrum "félaga" ekki nein

tilviljun,

 það er ég viss um.

Þarna stóð ég og "félaginn" í rigningunni og fékk hann þarna óvænt

tækifæri til,

að létta af sér erfiðleikum sínum,

með því að segja mér frá sínum vandamálum og fjölskyldu sinnar,

og ég fékk þarna innsýn í mikla sorgarsögu,

sem sýndi mér fram á hverfulleika heimsins.

 

 Því segi ég það,

við eigum að nota hvert tækifæri sem gefast til að sinna

ættingjum og vinum og gera meira í því,

að vera til staðar fyrir þá og auðvitað,

sjálfan sig einnig,

því á morgunn getur það verið orðið

of seint.

 

 

 

 

 

Athugasemdir

[Ólafur Ragnarsson, 26.7.2009 kl. 21:50]

Sæll gamli venn. Það er fallegt sem þú skrifar og satt. Sértu ávallt kært kvaddur

[Ragna Birgisdóttir (IP-tala skráð) 27.7.2009 kl. 00:03]

Sæll Keli minn.Falleg orð og þörf.Kveðja til þín.

[Þorkell Sigurjónsson, 27.7.2009 kl. 13:27]

Þakka ykkur komuna.  Kær kveðja.

[Sólveig Adólfsdóttir (IP-tala skráð) 30.7.2009 kl. 00:37]

Sæll Keli

Falleg og góð lesning

Kv. Dollý