SAMVISKUSAMI SAMVERJINN.

 

Vonandi bregður engum við það að líta svo fagurt dýr,

sem rottan er?

 

Þessa síðustu og verstu tíma veitir ekki af hlýju í sálina,

að minnsta kosti upplifði ég þá tilfinningu,  þegar ég las

uppvaxtarsöguna

 hans Sigurðar A. Magnússonar,  "Undir Kalstjörnu".

 

Í þessari ágætu lesningu segir Sigurður m.a. frá föður sínum,  sem var

 margslunginn persóna.

 

 

"Hann þoldi undir engum kringumstæðum að sjá skepnur þjást

og gat komist við eða orðið ævareiður ef hann varð vitni að illri

meðferð á málleysingjum.

 

Mér er í fersku minni viðbrögð okkar krakkanna fyrsta árið í

sumarbústaðnum (en sumarbústaðurinn var í nokkurn tíma heimili

Sigurðar og fjölskyldu hans)  þegar rotta,

sem var útsteypt í sárum,  gerði sig heimakomna kringum heimilið.

 

Pabbi sá strax að hún gat litla sem enga björg sér veitt og mataði hana

og hjúkraði þar til hún var gróin sára sinna.

Okkur krökkunum bauð við rottunni og fullorðið fólk sem fékk veður af

þessu uppátæki var furðu lostið yfir því ábyrgðarleysi að hæna

að barnmörgu heimili meindýr sem kannski væri hættulegur

smitberi,

en pabbi lét slíkt hjal sem vind um eyru þjóta og linnti ekki

viðleitni sinni fyrr en rottan var orðin sjálfbjarga.

 

"Stórkostlegur maður."

 

 

 

 

SJÓN ER SÖGU RÍKARI.

 

Á ferð minni í höfuðstaðnum fyrir nokkru síðan lá leið mín

á Listasafn Íslands,  en þar er sýning sem allir ættu,

ef þeir hafa tækifæri á að skoða.

Í skýringarskrá segir:

 

Hvað vitum við um myndlist í þjóðareign og hvaða gildi hefur hún fyrir

okkur?

Lungann úr öldinni sem leið var staða íslenskrar myndlistar óljós og

bakland hennar heldur veikt.

Minnisleysi fólks þegar ríkisbankarnir voru einkavæddir og

listaverkaeign  þeirra lenti milli stafs og hurðar sem hrein afgangsstærð

sem enginn mundi eftir fyrr en sala bankanna var um garð gengin.

 

Nú fáeinum áru árum síðar beinir L. Í. kastljósinu aftur að þessum

nær ósýnilegu gersemum sem gleymdust í einkavæðingarfárinu

og nú talað um sem ómetanleg þjóðareign.

Þrír bankar lána safninu fjölda verka úr fórum sínum.

Þar er að finna margar ómetanlegar gersemar eftir flesta listamenn

þjóðarinnar á öldinni sem leið.

 

Þetta er verk Kjarvals "Hvítasunnudagur" sem varð frægt

í fréttum,  þegar það var keypt til landsins fyrir nær 30 milljónir kr.

á málverkauppboði í Kaupmannahöfn í byrjun árs 2007.

Talað var um verkið,  sem

"Kúbískur Kjarval sleginn á metfé í Kaupmannahöfn.

 

Myndin sú arna heitir "Kaplagjóta"og er eftir

Júlíönnu Sveinsdóttir myndlistakonu, sem fædd er í Vestmannaeyjum.

Eins og margir sjálfsagt vita,  sem komnir eru á miðjan aldur

var Júlíanna systir Ársæls Sveinssonar, sem rak útgerð 

um miðja síðustu öld og var einnig lengi í bæjarstjórn hér í Eyjum.

 

Þessi mynd er eftir Finn Jónsson

og ber það nafn,  sem kannski gæti verið mottó fyrir

ný lokinni græðgi og einkavæðingarfári,

"baráttan um gullið".

"Composition" 

eftir Baldvin Björnsson gullsmið, sem lengi átti heima í Eyjum

og var faðir Björns Th. Björnssonar listfr. og rithöfundar.

 

 

Að lokum kemur svo hérna verk eftir núlifandi listamann,

Helga Þorgils Friðjónsson sem heitir

"heilög fjölskylda"

og mættu stjórnvöld kannski hafa það í huga nú um stundir. 

Þessar fimm myndir eru olíumálverk  ásamt tugum annarra verka á

þessari einstæðu sýningu í Listasafni Íslands, sem stendur til

18. október og er hún

 sjón sögu ríkari.

 

Fyrir þá sem ekki eiga heimangengt vil ég benda Vestmannaeyingum

á málverka-útsýnisgluggann í forstofu bókasafnsins hérna í Eyjum,

en nú eru myndverk eftir Kristinn Ástgeirsson í "kassanum,"

en þar er einnig

sjón sögu ríkari.

 

 

 

 

 

 

 

KNATTSPYRNUHÚSIÐ OG FRAMTÍÐ ÍBV.

 

Þessi mynd er tekin í dag og sýnir okkur fótbolta áhugafólki hérna í

Eyjum

hið "langþráða knattspyrnuhús", 

sem næstum því er við það að rísa"?

 

Nei  nei án gríns þá virðist staðreyndin sú,  að fyrstu merki um

knattspyrnu hús muni sjást mánuði fyrir næstu bæjarstjórnar

kosningar, þ.e.a.s. í vor.

 

Þannig,

 að Heimir þjálfari ÍBV mun stjórna sinni fyrst æfingu í glæsilegu

knattspyrnu höll okkar,

þann  28. september 2010

 nákvæmlega þremur árum frá því

fyrsta skóflustungan

var tekin.

 

Þar sem ég tel allar líkur á, 

að ÍBV muni spila í úrvalsdeildinni á næsta

ári leyfi ég mér hér með að óska þess við bæjarfélagið og þeirra sem

því stjórna,

 

að ÍBV lið karla í fótbolta verði gert kleift

að nálgast peninga til kaupa á góðum framherja og gera það að

markmiði,

að ÍBV nái Evrópusæti á næsta ári.

En það eitt að taka þátt í Evrópu-keppni gæti fært okkur

30-40 milljónir, sem m.a. mundi borga framlag bæjarins til kaupa á

framherjanum góða.

 

Það vita allir og einnig þeir, sem engan áhuga hafa á fótbolta,

að ÍBV er framvörður þessa bæjarfélags frá mörgum hliðum séð.

Þannig að þeir sem stjórna hér í Eyjum eiga að setja metnað sinn í,

að efla ennþá frekar orðstír knattspyrnunnar

þar sem ÍBV spilar stærstu

"rulluna".

 

 

 

 

 

ÓHRÆSIÐ.

 

 

 

Steingrímur J. segir ábyrgðarlaust að borga ekki af ört hækkandi lánum

landsmanna og viðskiptaráðherra og forsætisráðherra taka í sama

streng.

Hvað álítur vinstri stjórnin,  ríkisstjórn hins vinnandi manns,

að við séum?

Dráttar klárar sem hægt er að píska áfram fram í rauðan dauðann?

Nei,  nú er nóg komið.

Fólk fær hvergi skjól eða hjálp undan drápsklyfjum lána,

sem sífellt hækka og tútna út eins og púkinn á fjósbitanum forðum

daga.

Oftar en ekki kemur mér kvæði Jónasar Hallgrímssonar,

ÓHRÆSIÐ í hug, 

þegar fólkið sem komið er í þrot með lánin sín og hvorki bankar né

ríkisstjórnin "okkar" hreyfa hvorki legg né lið því til hjálpar.

EN í kvæði Jónasar segir frá rjúpunni,

sem flúði undan fálkanum og í skjólið,

sem hún hélt hún fengi í fangi konunnar í dalnum.

"En gæðakonan góða (ríkisstj.)

grípur fegin við

dýrið dauðamóða-

dregur háls úr lið;

plokkar, pils upp brýtur,

pott á hlóðir setur,

segir happ þeim hlýtur

og horaða rjúpu étur.

 

Háskalegt að borga ekki

AÐ EIGA SÉR DRAUM.

 

Þar sem ég sit nú hérna við tölvu sonar míns í íbúð sem er

steinsnar frá inngangi að KR-vellinum verður mér hugsað til leiksins,

sem háður var í gær síðdegis.

Ekki er ætlunin að fjölyrða neitt honum viðvíkjandi,  nema að ég eins

og allir þeir fjölmörgu stuðningsmenn og konur,  sem mættu

á völlinn vorum auðvitað langt í frá sátt við úrslit leiksins þrátt

fyrir að liðið okkar,  ÍBV var að sýna fanta góðan leik.

Ég tek heils hugar undir með vini mínum Heimir þjálfara,  þegar hann

sagði eftir leikinn.  "Við þyrftum engan að hræðast léki ÍBV liðið eins og

það gerði á KR vellinum".

Stemmingin hjá stuðningsmönnum á þessum leik svo og tilþrif

Stalla Hú var það sem fékk mig til að hugsa tíu fimmtán ár aftur í

tímann,  þegar líf og fjör var fyrir hvern einasta leik,  sem ÍBV

háði hérna á fasta landinu.

Mín von er,  að stuðningsfólk ÍBV á fasta landinu láti ekki deigan síga,

þrátt fyrir,  að allt fór ekki sem skyldi á leiknum í gær.

 

Næsti leikur er heima í Eyjum á laugardag og þar verður bloggari

mættur til hvatningar liðinu sínu,  ÍBV.

Takmarkið er að vera meðal bestu liða á Íslandi í ár og

Íslandsmeistarar eftir tvö þrjú ár.

Það má svo sem fylgja hér með,  að mér vitnaðist í draumi,

 

að ÍBV muni sigra Val.

 

 

AÐ VERA VEL OG MIKILS MEGANDI, EN GREIÐA LÁGA SKATTA.

Eins og flestir,  sem rekast inn á síðuna mína hafa kannski tekið eftir

hefir bloggari dvalið erlendis um hálfs mánaðar skeið.

Það sem mesta athygli mína vakti, þegar heim kom og

 ég fletti vikublaðinu "FRÉTTIR"  var,

"gluggað í skattskrána".

"Meðallaun 100 þúsund krónur"

og þar undir er margt ágætis

fólk.

Mesta undrun mína vakti þó að nokkrir voru þar,  sem teljast vera

bæði vel og mikils megandi í þessu bæjarfélagi, en virðast alls

ekki hafa fyrir salti í grautinn.

 

Þetta góða fólk sýnist mér dags daglega heiðarlegt í framan svo

bágt er að hugsa sér það,

 að hér fari ekki frómar manneskjur, þegar þær gera

skattaskýrsluna sína.

 

Kannski ætti framfærslufulltrúi bæjarins að láta málið til sín taka

og hlaupi undir bagga?

Allavega er bloggari þessarar greinar tilbúinn að rétta fram

nokkrar krónur, því ekki þarf hann að kvarta,

með fjórfalt meiri laun en þetta láglauna

stóreignafólk.

 

 

 

 

 

 

 

 

 

 

VERDA KOSNINGAR TIL ALTHINGIS Í HAUST ?

 

Segjum svo að Icesave samningurinn verði ekki sathykktur á

althingi Íslendinga.

Hverslags staða kemur thá upp í framhaldinu og á ég thá  við

ríkisstjórnina sem nú situr?

Hrökklast hún frá og mynduð verði

Tjódstjórn,

eða VG, Framsókn og Sjálfst.flokkur reyni thá samstarf?

Ekki sé ég thad gerast að Samfylking og Sjálfst.flokkur nái saman.

Kannski verður stjórnarkreppa og efnt verði til kosninga til

althingis á nýjan leik?

Blikur eru á lofti,  sem allar eru válegar,

en versti kostur stöðunnar er sennilega að samthykkja

hinn banvæna Icesave samning. 

 

Efast um alvöru þingmanna

HAMINGJUÓSKIR TIL ÍBV.

 

Til hamingju ÍBV.

Í gærkvöldi,  thegar leikurinn fór fram var ég satt að segja

alveg að fara úr límingunum.

Ég er ennthá hérna hjá dóttir minni í Sverge.

Varð að láta mér nægja að vera fyrir framan tölvuna og fylgjast

með leiknum.

Thad tók á taugakerfið og sérstaklega thegar ÍBV

dró lið sitt aftar á völlinn og sókn Fjölnis thyngdist.

Greinilega var Albert í marki ÍBV maður leiksins og

vonandi verdur hann í thessu form,

thegar við mötum hans gamla liði í næstu umferð.

 

En sigur og thrjú stig voru takmarkið og thad tókst.

Til hamingju ÍBV og áhorfendur á Hásteinsvelli í gærkvöldi.

 

Kveðja til allra í Eyjum.

  

 

 

 

Góður sigur ÍBV gegn Fjölni - tvö rauð spjöld

RÚSSARNIR KOMA, RÚSSARNIR KOMA ?

 

Hversvegna í ósköpunum fáum við ekki Rússana

til að sinna loftrýmiseftirliti fyrir okkur.

Their eru hér hvort sem er daglegir gestir

yfir landinu.

Thad myndi spara milljarða,  sem við eydum

í thennan ótharfa,  sem eftirlitið er,

og Rússarnir gera thetta ábyggilega fyrir ekki neitt.

 

 

 

Birnir yfir Íslandi

ÍHUGUN DAGSINS.

Heimsins lystisemdir einar njörva thig niður.

Frelsið thitt nýja er undir thví komið

hve léttilega thér tekst að hefja thig yfir jarðneska hluti.

Stýfðir vængir geta vaxið að nýju.

Brotnir vængir geta endurheimt meiri kraft og

fegurð en áður var.

Ef thú vilt,

geturðu öðlast lausn og frelsi.

 

Kókaín og amfetamín í Eyjum