FLASKAN ER MITT FANGELSI.

 

 

Nú mun ég hverfa um stundarsakir úr bloggheimum.

Ástæða þess er, að ég fer á sunnudaginn inn á sjúkrahúsið Vog

og í framhaldinu í áframhaldandi áfengismeðferð.

Ekki ætla ég mér þá dul, að fara að afsaka mig hérna,

en óhjákvæmilega hefur árið verið mér erfitt.

Staðreyndin er jú sú, að ég hefi frá fjórtán ára aldri

verið haldinn þeim sjúkdóm, sem nefndur er af læknavísundunum,

alkahólismi.

Þróun hans hefur með tímanum farið út í það, að ég hefi ekki

ráðið við eitt né neitt eftir að ég hefi tekið fyrsta sopann.

Lengi vel áleit ég það hreinan og beinan aumingjaskap,

að geta ekki drukkið áfengi án þess að að túrarni yrðu lengri og lengri.

 Og þrátt fyrir að ég álíti mig nokkuð viljafastann mann,

þá hefur það heldur ekki dugað til.

Ég veit það, að það er hægt að fara langt á viljanum,

og eins og fræðin segja,

"að fara þetta á hnefanum, en með tímanum gerist eitthvað og maður

 telur sér

trú um, að nú geti maður stjórnað sinni drykkju.

En ávallt rekur maður sig á,

Bakkus tekur alla stjórn og ég drekk þannig að ég man aldrei

neitt, eða mjög lítið þann tíma sem drykkja stendur yfir.

Og auðvitað verður drykkjan engin skemmtun þar sem óminni,

eða "blackout" er á meðan að drykkjan stendur yfir.

Það væri lengi hægt að ræða þessi mál, eða vandamál mætti frekar

segja.

Til ungmenna beini ég einni setningu og hún er,

takið aldrei fyrsta vínsopann.

Í lokin sendi ég öllum mínar bestu kveðjur

og vonandi sjáumst við og heyrumst eftir tvo mánuði.

 

Þorkell Sigurjónsson.

 

PS: Mér láðist að nefna það,

að fyrir tíu árum fór ég á Vog og í framhaldinu upp á Vík.

Það hélt í tvö ár, en því miður hefi ég orðið að njóta aðstoðar í þrú skipti

síðan á sjúkrahúsinu Vogi.

Þ. Sig.

 

 

BLESSAÐUR LUNDINN.

 

Orðið er eins og fugl,

þegar það er einu sinni flogið út af vörunum,

er ekki auðvelt að ná því aftur.

Það mætti segja það um  blessaðan lundann

að nú,

þegar hann er kominn að stórum hluta til feðra sinna

mun það reynast torvelt,

að munda lundaháfinn í sumar .

Vonandi sjáum við hér í Eyjum til þess,

að farið verði með gát  í veiði á lunda næsta sumar.

Eins og allir vita brást enn og aftur að pysjan léti sjá sig,

fjórða ári í röð,

og nú geta menn ekki skellt skolleyrum lengur gagnvart

þeirri staðreynd,

að fara varlega næsta sumar.

Ég veit,

að það er sárt að mega ekki vera með lunda

á matborðum okkar hér í Eyjum,

en sennilega verðum við,  að gefa  lundaveiðimönnum frí

og einnig lundanum.

Að setja "prófastinn" á gátlista segir sýna sögu.

 

 

Lundinn settur á alþjóðlegan gátlista

ÞAÐ ER HÁLFGERÐUR HUNDUR Í MÉR.

 

Frásögnin sem hér fer í loftið er um reynslu mína af því,

þegar ég um síðustu helgi reyndi að taka að mér tveggja ára

Labrador Retriever hund.

Þætti mér ekki lakara ef einhver lumaði á reynslu líkri þeirri,

sem ég upplifði við tilraun mína að eignast hund sem félaga.

Sonur minn sem býr í Reykjavík auglýsti eftir hundi, sem væri eins til

tveggja ára.  Ekki stóð á viðbrögðum við auglýsingunni og varð tveggja

ára Labrador Retriever fyrir valinu og kom hann frá Austurlandi.

Eigandinn lét svæfa hann og sendi svo með flugvél frá Egilsstöðum.

Hingað kom svo seppi með Herjólfi ásamt syni mínum á föstudagskvöldi.

Reyndar heitir hundurinn Skuggi og er hann alsvartur og mjög svo

vígalegur á velli.

Nú, svo kom að þeirri stundu, þarna á föstudagskvöldinu, að við Skuggi

mættumst og var ég nokkuð spenntur að hitta minn tilvonandi

félaga.

En mér brá mjög illilega þegar fundum okkar Skugga bar saman,

því hundurinn byrjaði strax að gelta ógurlega og urra, þegar ég reyndi,

að nálgast hann.

Slíkri framkomu af hálfu dýrs og allra síst frá hundi átti ég von.

Hefi alltaf verið mikill dýravinur og átt fjölmargar tegundir dýra og m.a.

hund þannig að framkoma hans Skugga olli mér vonbrigðum.

Leið svo kvöldið og ávallt gerði Skuggi sig líklegan til að rjúka í mig,

þegar ég reyndi að nálgast hann.

Daginn eftir fór ég í göngu og tók hundinn með og hafði á honum ól.

Skugga virtist vel líka, að ég væri með hann í bandi og við

gengum um sem bestu félagar. Meira að segja fékk að klappa honum

án þess, að hann sýndi mér tennurnar, eða á nokkurn hátt annan

einhvern fjandskap.

Strax og heim var komið var framkoma Skugga við sama

heygarðshornið gagnvart mér, eða fjandsamleg.

Eitt skiptið glefsaði hann í hönd mín þannig að úr blæddi.

Allir þeir,  sem hann  umgekkst hér á heimili mínu svo og aðra,

sem við hittum á göngu okkar var hann vinalegur og eðlilegur við.

Þannig gekk þetta fyrir sig alla helgina og í framhaldinu ákváðum

við  sonur minn og ég, að hann tæki tilvonandi fósturdýr mitt með sér

 til Reykjavíkur og í frahaldinu

 senda hann  í sína heimahaga.

Auðvitað var ég sár og hugsaði sem svo, að líklega væri sál mín

og ára svona kolsvört, að hund greyið gat ekki hugsað sér samneytið

við mig.

En þannig fór um sjóferð þá og er ég ennþá einn á báti og án

nokkurs félagsskapar, sem hundurinn Skuggi átti þó að verða mér.

Satt að segja er ég samt guðs feginn að sambúð okkar Skugga tókst

ekki,  því þegar ég fór í það eftir helgina að skúra og ryksuga íbúðina,

þá sá ég, að Guð og lukkan höfðu haft þarna hönd í bagga, þar sem

mikið var af hundshári um allt, sem mér fannst hið versta mál.

Kannski var andi konu minnar hér á sveimi, en 

 henni líkaði aldrei við hunda og var mjög hrædd við þá.

En spurningin er hvort einhver sem les þetta hafi slíka

reynslu að segja frá, þar sem hundur er

 aðalleikarinn?

 

   

 

 

 

 

 

 

 

 

TÆKIFÆRISSINNAR Á SUS-ÞINGI Í EYJUM.

 

Æ, allir þessir sauðtryggu ungu Sjallar,

"stútfullir" af  fyrir fram fastmótuðum skoðunum,

binda þeir vilja  allt og alla

 og bíða eftir  tækifærum....

Stuttbuxnadeild Sjálfstæðisflokksins þingaði af miklum móð

hér í Eyjum um helgina.

Það helst bar til tíðinda, að menn kenndu Íslensku krónunni

um hvernig ríkisstjórnin er búin,

að spila rassinn úr buxunum

og muni það helst koma niður á þeim sem ekki ganga í síðum

buxum.

Af tali þingfulltrúa mátti ráða,

að við Eyjamenn værum heppnir með það,

að hjá okkur væri einn flokkur, sem öllu réði (einræðisflokkur)

og ekki síður það,

að fyrrum félagi úr stuttbuxnadeildinni hefði hér

alla stjórntauma í hendi sér (einræðisherra).

 

 

 

 

 

 

 

 

 

   

 

 

 

 

 

 

 

Íhuga beri aðra mynt

ÍBV FAGNAR.

 

TIL HAMINGJU ÍBV.

Þrátt fyrir að renna á rassinn gegn Selfossliðinu í síðasta leik,

þá er ÍBV sigurvegari fyrstu deildar 2008.

Ég segi hiklaust, að ÍBV var með besta liðið í

1. deild í sumar og Selfoss kom þar fast á hæla okkar.

Með allri virðingu fyrir Stjörnunni þá þótti mér leikur þeirra aldrei

sannfærandi.

En svona er nú bara fótboltinn, gleði fyrir suma

og  grátur fyrir aðra.

Næsta sumar verður að öllum líkindum erfitt fyrir bæði ÍBV og

Stjörnuna, sem nýliða úrvalsdeildarinnar.

Ekki kæmi mér það á óvart,

að ÍBV muni reyna eftir efnum og ástæðum styrkja lið sitt

fyrir næsta sumar.

Til þess þarf peninga, en þeir því miður liggja ekki á lausu og að

auki eru góðir knattspyrnumenn fokdýrir  og í rekstri.

Í dag skulum við Eyjamenn kætast því liðið okkar ÍBV er komið á

meðal þeirra bestu og núna skulum við

njóta sigurvímunnar.

ÁFRAM ÍBV.

 

 

 

 

ÍBV fagnar sigri í 1. deild

TIL HAMINGJU ÍBV, ÉG ER FARINN AÐ HLAKKA TIL NÆSTA SUMARS.

 

Er þegar farinn að hlakka til næsta sumars.

Sérstakleg að fá KR-INGA í heimsókn,

eða þannig.

ÁFRAM ÍBV.

Eyjamenn fögnuðu efsta sætinu

ÍBV, TIL HAMINGJU MEÐ ÚRVALSDEILDARSÆTIÐ.

 

Mínar innilegustu hamingjuóskir

til liðsmanna ÍBV

og  þjálfara, Heimis Hallgrímssonar.

ÁFRAM ÍBV.

Stjarnan vann og Selfoss tapaði

JA, NÚ ÞYKIR MÉR TÍRA Á TÍKARSKOTTINU.

 

 

Ýmislegt hefur herra fjármálaráðherrann boðið landslýð,

síðan hann fór fram í fyrsta sæti Sjálfstæðisflokksins á Suðurlandi.

En þetta tekur út yfir allan þjófabálk,

að stefna fólkinu sem ráðherrann á að semja við.

Önnur eins framkoma  ráðherrans Árna Matt verður að teljast

siðlaus og ekkert annað en hroki á hæsta stigi.

Mér verður hugsað til þess æruverðuga Sjálfstæðisfólks,

sem í síðustu kosningum kaus hér á Suðurlandi  Sjálfstæðisflokkinn

þar sem Árni Matt er í fyrsta sæti  hans.

Og eitt til viðbótar.

Ég get ekki séð annað, en samstarfsflokkur Sjálfstæðisflokksins,

Samfylkingin beri hér einnig ábyrgð hvernig komið er

allavega heyrist ekki stuna né hósti úr herbúðum

Jafnaðarmanna um þetta mál.

Fólk er hér á bloggsíðum sínum með hástemmdar yfirlýsingar

á athæfi fjármálaráðherrans og ekki að ósekju.

Þess vegna velti ég því fyrir mér hvort þessi vandlæting á gjörðum

Íhalds og Krata núna,

muni endast fram yfir næstu kosningar?

Ljósmæður: Uppsagnir löglegar

GÓÐVERK.

 

Sérhvert góðverk er kærleiksverk.

Ef þú brosir til bróður þíns,

er það góðverk.

Hvetjir þú náunga til dýrrar dáðar,

jafnast það á við að gefa ölmusu.

Vísir þú villtum til vegar,

er það kærleiksverk.

Að aðstoða þann blinda er góðverk.

Það er góðgerðarsemi ef þú hreinsar grjót eða þyrna af götunni.

Kærleiksverk er að gefa þyrstum að drekka.

Hin sönnu auðæfi mannsins í öðru lífi eru góðverkin,

sem hann gerði náunganum í þessu lífi.

Þegar menn deyja,

er sagt:

Hvað lét hann mikið eftir sig?

En englarnir munu spyrja:

Hvað hefur hann sent mörg góðverk á

undan sér?

                 -Muhamed. 

Gjafmildi Oprah Winfrey

ÁNÆGÐUR MEÐ BARÁTTU OG GÓÐANN LEIK, EN EKKI ÚRSLITIN.

 

Það er svo sannarlega hundur í mér eftir leikinn við Skota.

Við uppskáru engan veginn í þessum leik þrátt fyrir baráttu og besta

leik Íslenska landsliðsins í fótbolta í nokkur mögur ár.

Að auki var dómaratríóið ekki að sýna sitt besta

þannig að útkoman varð okkur ekki í hag.

- Sálfræðilega bættu Englendinga mér upp okkar tap,

með því að taka Króata í smá kennslustund.

Það var mér unun að sjá minn Arsenal mann, Walcott

skora þrennu fyrir Enska landsliðið.

 

Skotar unnu nauman sigur