BETUR HEFÐI ÉG TRÚAÐ, JÓHÖNNU OG STEINGRÍMI.

 

Jæja góðir hálsar.

Mér varð að ósk minn,  þ.e.a.s. að forsetinn hafnaði undirskrift á Isesave-lögunum.

Nú er það svo,  að ég veit ekki hvort ég á að gráta,  eða hlæja.

Grátur er því miður nær,   en hlátur.

Og hversvegna skyldi það nú vera.

 

Jú,  ég er einn af þeim 53 þúsundum sem undirrituðu áskorun

Inderfence-hópsins um að forsetinn skrifaði ekki undir Icesave-lögin,

svokölluðu. 

 

Málið er,

að ég eins og svo margir aðrir,   hélt  að ef forsetinn neitaði að skrifa undir,

þá værum við þar með laus frá öllum skuldbindingum gagnvart Icesave.

Ég er ekki einn um þessa skoðun,  því fjölmargir aðrir sem ég hefi heyrt í,

höfðu samskonar skilning  á málinu.

 

Þannig verð ég að játa fyrir sjálfum mér og þeim sem þetta lesa,

að hafa gert ein afdrifaríkustu mistök,  sem hægt er að gera með því að vera einn

af þeim 53 þúsundum,  sem undirrituðu áskorunina til forseta Íslands,

að skrifa ekki undir Icesave-lögin.

 

Allir sjá það í dag hversu alvarlegar afleiðingarnar ætla að verða,

því það er kjarni málsins,

að við,  því miður komumst ekki hjá því að borga og allir já allir ,

Inderfence- menn,  formenn stjórnarandstöðunnar og auðvitað einmitt það fólk,

sem maður átti að trúa strax í þessu máli,

Jóhönnu forsætisráðherra og Steingrími fjármálaráðherra.  

 

Það eina sem hægt er að hugga sig við í dag er,

að nú getur maður ljáð samþykki sitt í kosningu um málið.

 

 

 

 

 

 

 

 

 

 

Staða Íslands væri stórlöskuð

Athugasemdir

[Helga (IP-tala skráð) 6.1.2010 kl. 20:12]

Sko, ég vissi alveg að við þyrftum samt að borga en mér finnst bara grundvallaratriði að við látum ekki hóta okkur og kúga okkur til að samþykkja hvaða rusl sem er, samningarnir sem voru gerðir í ágúst voru okkur mun hliðhollari heldur en þeir sem forsetinn synjaði, ég mun neita þessum lögum og vona að lögin síðan í ágúst gildi frekar.

[Guðmundur (IP-tala skráð) 6.1.2010 kl. 21:09]

Ég held að flestir upplýstir hafi skilið að fyrri fyrirvarar sem að Alþingi gerði fyrr í sumar eru enn í fullu gildi. Vandamálið með ICESAVE málið sjálft eru kannski fólgin í þeirri staðreynd að stjórnin hefur farið fram með offari og án þess að ná breiðu og góðu samkomulagi um málið. Leyndarhjúpurinn með Svavar G. og félaga í fararbroddi og undirlægjuhátturinn hjá þessu fólki sem að kennir sig við lýðræðisást hefur snúið þessu máli á haus. Það er lágmarkskrafa að þeir sem að semja fyrir hönd skattgreiðenda setji hagsmuni þeirra í forgang. Það er bábilja að telja að við séum að tapa nokkru. Það hefur lítil kynning farið fram á íslenskum hagsmunum og umræðan er að snúast út í hinum vestræna heimi gagnvart nýlendukúgurunum frá Bretlandi og Hollandi.

[þorvaldur Hermannsson, 6.1.2010 kl. 21:26]

Stjórnarandstaðan sagði að við þirtum ekkert að borga og krafðist þjóðarathvæðis,nú segir hún að við þurfum að borga og segir jafnframt að best væri að  komast hjá þjóðaratkvæðagreiðslu,það er gott að hafa einhverja sem skemta okkur í skamdeiginu.kv

[Soffía (IP-tala skráð) 7.1.2010 kl. 11:06]

Þú hefur vonandi lesið þetta: http://mbl.is/mm/frettir/innlent/2010/01/07/ekki_setja_island_i_skuldafangelsi/

Þessi ríkisstjórn hefur ekki staðið í lappirnar við að kynna málsstað okkar. Við verðum að reyna að lágmarka skaðann og fella þetta nýjasta Icesave frumvarp sem er ekkert nema uppfylling á ítrustu kröfum Breta og Hollendinga - sem þeir næstum skammast sín fyrir að vera nú uppvísir að gera.