AF LITLUM NEISTA VERÐUR STÓRT BÁL.

 

 

 

Þorsteinn Erlingsson og Guðrún Erlings.

 

 

 

 

Ótrúlegt er að hugsa sér,

að örlítill gustur sem fiðrildi orsaka þegar það blakar vængjunum í Tokyo,

getur um síðir magnast upp í fellibyl í Kansas.

 

 

Í lífi okkar,

hversu öngþveitiskennt sem það virðist vera,

leynist innra skipulag allra storma og sviptibylja,  sem geysast inn í daglega tilveru

okkar.                                                  

  Kabbala.    Fiðrildis-orsakavaldurinn.

 

 

 

 

Ég legg þann skilning í fiðrilda-kenninguna, 

að allt það sem gerist í veröldinni eigi sitt upphaf og taki á sig myndir sem okkur munu

birtast,

í fyllingu tímans !

 

 

 

 

Þessu til frekari umhugsunar og gamans,

 datt mér í hug saga sem byrjaði í Ameríku og segir frá konu þar,

sem átti mikið landsvæði.

Sagnfræðingar þar töldu,  að Leifur heppni hafi þar verið,

þar sem fornar tóftir fundust á landareign konunnar.

Þessi Ameríska kona vildi fá úr því skorið,  hvort fornminjarnar á landareigninni

væru frá tíð Leifs heppna og fékk til liðs við sig,

dr. Valtý Guðmundsson.

Hann treysti sér ekki til   verksins,

og fékk því vin sinn,

 Þorstein Erlingsson skáld til þeirrar rannsóknar.

 

 

 

 

 

Þorsteinn Erlingsson vildi fyrst kynna sér fornminjar hérna heima á Íslandi,

þannig að hann væri betur undir verkið búinn.

Var honum sagt að á Tungufellsheiði væru margar fornar húsa-tóftir.

Þangað fór nú Þorsteinn,

austur til Tungufells og gisti þar í tvo daga.

Í Tungufelli var ung blómarós,  aðeins 17 ára.

Nokkru seinna varð þessi stúlka   sem Guðrún hét,

 eiginkona Þorsteins Erlingssonar skálds.

 

 

 

Sem sagt,

orsakir liggja til alls og urðu hugleiðingar konu í Ameríku sá örlitli gustur í byrjun,

sem magnaðist og endaði hér uppi á Íslandi,

með kærleiksríku hjónabandi,

skáldsins og Guðrúnar Erlings.

Athugasemdir

[Jón Steinar Ragnarsson, 15.12.2010 kl. 11:24]

Einu sinni skrifað ég kvikmynd sem hét fiðrildaáhrifin. Hún fékk styrki en ég fann ekki framleiðanda. Tveim árum síðar kom út kvikmynd í USA með sama titli, en hún misskildi gersamlega þessa kenningu, sem byggir á kaoskenningu Laurens.  Í raun segir þessi kenning að frjáls vilji sé hugarburður einn. Nú getur verið að fæðast barn í Asíu, sem á eftir að valda straumhvörfum í lífi uppi í afdal á Íslandi eftir 20 ár. Handvömm í verksmiðju í kína á eftir að valda dauðsföllum í Alaska eftir 4 ár etc.

Allt okkar líf og tilvist mótast af þessu orsakasamhengi. Hugsanir okkar gerðir og ómeðvitaðar ákvarðanir móta vegferð okkar. Ég væri ekki til ef móðir mín hefði ekki verið send niður á bryggju á Súgandafirði með kaffi á flösku fyrir pabba hennar. Þar hitti hún slána sem var tilfallandi að landa fiski þarna vegna veðurs.  Því situr heimurinn uðppi með mig.

Einhverjir myndu kalla þetta tilviljanir, en ég held að tilviljanir séu ekki til og heldur ekki neitt forskráð. Þegar litið er til baka þá gat ekkert orðið öðruvísi en það varð. Trilljón orsakir unnu að því að svona varð afleiðingin. Þessi orð væru ekki til ef þú efðir ekki bloggað um þetta og það er ekki víst að þú hafir hugmynd um af hverju þú skrifaðir þetta. Þú last eitthvað, heyrðir, hafðir tíma, sást eitthvað. Svona er það nú.

Í þessum anda var frásögnin mín af sáðmanninum blinda, sem þú last líklega einhverntíman á blogginu mínu.