KOMINN HEIM TIL EYJA.

 

 

 

Þorkell aðeins 17 ára.  Mynd tekin af vini mínum,
Óskari Björgvinss. ljósm. þegar hann var að læra
hjá Sigurði Guðmss. ljósm. í Rvk.

 

 

 

 

 

 

 

 

Komið þið blessuð og sæl  öll sömul, 

 

 

 

sérstaklega þið sem eruð að koma inn á bloggsíðuna

 

dags dagleg .

 

 

Eins og ég skrifa á facebook síðuna, hefi ég undafarnar vikur verið víðs fjarri,  eða í

 

áfengismeðferð   s.l. 6 vikur.

 

 

Það er mikil náð, 

 

 

að fá að njóta hjálpar við þeim erfiða sjúkdóm,  sem alkahólismi er.

 

 

Á sínum tíma áleit ég þá sem drukku áfengi meira en góðu hófu gegndi,

 

ræfla og aumingja,  sem ekki gátu stjórnað sinni drykkju.

 

 

Nú er ég sannfærður að þetta er sjúkdómur,  sem ég er haldinn og verð að bera til

 

ævinloka.

 

 

Eina meðalið við honum er að stunda AA-fundi og vera virkur  þar, hafa hreyfingu,

 

 

borða reglulega og tileinka sér trú á æðri mátt.

 

 

Nú, 

 

þegar ég er orðinn 69 ára og er búinn að vera með Bakkus konung á bakinu frá 15

 

ára aldri, reyni ég enn einu sinni að koma mér á beinu brautina.

 

 

Ég veit að það verður barátta hvern dag hjá mér,

 

 

en ég er ákveðinn að gera mitt besta,  að sjálfsögðu mín vegna og ekki hvað síst

 

 

vegna þriggja barna minna og átta barnabarna,  sem ég á í dag.

 

 

Edrú einn dag í senn er

 

 

takmarkið.

 

 

 

 

 

 

 

 

 

 

 

 

 

 

 

 

 

 

 

Athugasemdir

[Ásthildur Cesil Þórðardóttir, 30.11.2011 kl. 12:53]

Frábært framtak hjá þér Þorkell minn, gangi þér vel.

[Yngvi Högnason, 2.12.2011 kl. 21:14]

Komdu sæll Keli. Hann er mjór þessi stígur sem við fetum til æviloka og ekki eins vandrataður ef við sinnum því sem okkur var kennt í meðferð. Gangi þér allt í haginn félagi. Kær kveðja.

[Ólafur Ragnarsson, 3.12.2011 kl. 12:28]

Sæll minn kæri vinur!

Velkomunn heim og góður guð styrki þig í baráttunni. Vonadi kemur þú eins og ekkert hafi ískorist á gamla góða staðinn á sunnudagsmorgnana. Sértu ávallt kært kvaddur

[Helgi Sigurlásson (IP-tala skráð) 3.12.2011 kl. 21:22]

Velkominn heim vinur búinn að sakna þín

[Þorkell Sigurjónsson, 6.12.2011 kl. 09:23]

Þakka ykkur vinir mínir innlitið og góðar móttökur.  Það er það versta hjá mér,  að ég er engan veginn kominn í gang að blogga nokkurn skapaðan hlut.  Vonast til að ég fari í gang á næstunni.  Kveðja  

[Óskar á Háeyri (IP-tala skráð) 10.12.2011 kl. 13:49]

 Velkominn heim kæri vinur og Lautapeyi. Ég er þegar farin að leita að bambussverðinu. Við byrjum á Helga.!

[Guðjón H Finnbogason, 10.12.2011 kl. 22:29]

Gangi þér vel félagi.