Þeir Fattur Brattur og Árni Johnsen.

   Jæja Eyjamenn góðir nú fengum við að sjá í beinni höfnunina og hrokann sem Árni Johnsen varð fyrir í dag frá hendi Geirs formanns. Tókuð þið eftir hversu einn og útaf fyrir sig Árni stóð meðan Geir heilsaði sínu fólki. Þó að ég sé nú ekki Sjálfs.fl.maður verð ég nú að segja sem er, að ég varð hálf sleginn fyrir hönd Árna og okkar Eyjamanna.  Þetta lýsir kanske best hvern mann Geir Haarde hefur að geyma. Ef til vill verður þetta geymt en ekki gleymt hjá Árna og jafvel gæti komið sú stund að hann gæti á einn eða annan hátt borgað til baka, ef hið pólitíska líf hans endar þá ekki fyrr en seinna.

   En að öðrum kunningja okkar Eyjamanna og hann er einnig úr röðum Sjálfs.flokksins og  það er hann Sturla ráðherra samgöngumála. Það stendur ekki á að láta gera skýrslur til skoðunnar á vanda Vestfirðinga vegna mikils kostnaðar  vörulutninga til og frá Ísafirði. Þá þegar eru uppi hugmyndir um að greiða þennan kostnað þeirra niður. Maður hugsar til þess mismunar sem við höfum þurft að búa við vegna hárra gjalda farþega og flutnings, undanfarna áratugi og ekkert gerist annað en gjöldin aðeins hækka ef eitthvað er.  

    Síðasti þanki kvöldsins er á íþróttasviðinu ef svo mætti að orði komast. Þrír virðulegir menn á besta aldri, hafa verið að velta fyrir sér í dag hvort ekki megi leysa vanda vetrarknattspyrnunnar á þann hátt að bæta við nýja íþróttasalinn viðbyggingu til suðurs um ca. 20-30 metra og fá sal sem væri þá orðinn 50x70 metrar? Auðvitað yrði skipt um gólf, þannig að  sett væri gerfigras að undirlagi.
Fljótt á litið væri hér frábær lausn, ódýrari og sem ekki þyrfti að taka allt of langan tíma.