Grjótkast úr glerhúsi ?

KSÍ bar áfengi í gesti sína á laugardaginn.
Gestum í svokölluðu VIP- herbergi á Laugardalsvelli var veitt áfengi á landsleik Íslands og Liechtenstein á laugardag. - Ég sem áhugamaður um knattspyrnu mótmæli harðlega slíkum gjörningi. Hér heggur sá sem hlífa skyldi og krafa allra sem vilja láta sig málið varða, hljóta að biðja um skýringu frá forystu KSÍ á slíku háttarlagi.

Til viðbótar tengt knattspyrnunni.
Ýmsir svokallaðir spekingar hafa verið fengnir til að tjá sig um slaka frammistöðu landsliðsins í knattspyrnu undir stjórn Eyjólfs. Þar í hópi eru menn sem kasta grjóti úr glerhúsi að mínu áliti, þegar þeir  vilja að Eyjólfur víki vegna lélegs árangurs með liðið.  En hver var árangur þessara gagnrýnenda eins og Atla Eðvalds þegar hann stýrði landsliðinu aðeins eitt orð yfir það, núll. Tveir aðrir fallkóngar í þjálfaramálum  setja sig einnig í sæti dómara og eru það þeir Óli Þórðar og nafni hans sem tjáðu sig í kastljósinu,  að ógleymdum honum Teiti Þórðar.
Auðvitað mega þessir ágætu menn segja sitt álit, en í mínum huga er það einfaldlega merkingarlaust miðað við þeirra eigin afrek í þjálfun.
Öðru máli hefði gengt ef Guðjón Þórðarson hefði verið beðin um skoðun sína, þar sem hann er eini þjálfari landsliðsins og félagsliða sem hefur sýnt virkilegan árangur og að minni hyggju þjálfari sem mark er takandi á.
Ég veit að Eyjólfur er maður sem sjálfur getur svarað fyrir sig, en þegar menn sem reyna að gera lítið úr hans störfum og hafa ekki efni á því,  er mér nóg boðið.