Ef sverð þitt er stutt.

Sverð. 
          Í Íslensku orðabókinni er talað um þau sverð sem Íslendingar notuðu til forna voru þau tvíeggja högg- og lagvopn. Þetta ágæta sverð sem nú er á boðstólum og sagt hafa verið í eigu Napóleons Bonaparte er gyllt og að það var bjúglaga sem gerði það að verkum að auðveldara var að sníða höfuð manna frá bolnum. Það fer um mig kuldahrollur við tilhugsunina um að Napóleon hafi gert einhvern höfðinu styttri.- Þegar ég var peyi og lék mér í Lautinni eða við peyjarnir gerðum okkur ferð inn á Eiði til að skylmast, auðvitað þegar nýlega var búið að sýna skylmingamynd í  Höllinni.  Ýmsar gerðir af sverðum voru notuð, ég t.d. bjó mér sverð úr Bambus og málaði það svartri lakkmálningu sem gerði mér það kleift að sigrast á mörgum andstæðingi mínum vegna svarta litins og gljáans sem á sverðinu var og að ég sveiflaði sverðinu ótt og títt þannig, að ég varð mörgum óþægur ljár í þúfu á orrustuvellinum. 
 
Hitt er það, að mér þykir vænt um að Napóleon var kanski ekki í huga sínum sá voða maður sem sagan segir, því honum eru eignuð þessi ummæli sem ganga einmitt út á vald vopnanna.  Tvennskonar vald er til í heiminum: vald sverðsins og vald andans. Að lokum verður það andinn , sem sigrar.-  Þar með lýkur hugleiðingu minni tengt sverðinu hans Napóleons.

Sverð Napóleons á uppboði