AÐ UMGANGAST DÝR.

Það er jákvætt og mjög hollt að vera góður við dýrin. Ég man eftir mörgum dýrum sem ég átti í æsku og tel  það hafa verið mikil gæfa að fá að umgangast þau.   Það var einnig mikið uppeldislegt atriði að fara í sveit og vinna öll tilfallandi sveitastörf og fá að vera með dýrunum sem tilheyrðu henni.  Ég hefi aldrei talið mig vera einhvern dýrling , en samneyti við dýrin og að hugsa um þau, hefur haft varanleg og jákvæð áhrif fyrir allt mitt líf. Hitt er svo, foreldrar eiga ekki að leyfa börnum að hafa gæludýr nema með ströngum skilyrðum vegna þess, að  í mörgum tilfellum verða börnin leið á dýrunum og hætta að nenna að hugsa um þau. Að "halda" dýr er  mikil vinna og mjög krefjandi, ekki síður en hugsa um börn.  Að lokum fylgir spakmæli með:

Heimtaðu aldrei af barni þínu það,

sem það getur ekki af hendi leyst,

en gættu þess,

að það leysi af hendi með trúmennsku það,

sem því er trúað fyrir.

Óvenjulegt gæludýr frá Vestfjörðum