DAUÐADÓMUR UPP KVEÐINN.

Það hefur mikið verið rætt og ritað um óháðu skýrsluna er fjallar um göng milli lands og Eyja. Margir hafa tjáð sig, ekki hvað síst hér á blogginu. Nú er ég alveg viss á útkomu þessarar langloku umræðna í málinu og kannski langt síðan niðurstaðan var á hreinu. Þar kemur hvorki Árni Johnsen eða neinir aðrir til með að breyta einu né neinu.  Í dag kvað  Steinunn Valdís formaður samgöngunefndar Alþingis upp dóm yfir þeim væntingum Eyjamanna og annarra landsmanna, að göng milli lands og Eyja sé óraunhæfur kostur.  Á föstudaginn verður svo ríkisstjórnarfundur og þar verðu hinum endanlega dómi fullnægt með orðunum, - að nú sé endanlega búið að "slá af" áætlun um gangagerð milli lands og Eyja. - Þar með kemur í ljós, að ekkert er frekar að marka orð og loforð Samfylkingar  fremur  en það sem Sjálfstæðisflokkurinn hefur rausað í gegn um tíðina.  Þess vegna kemur hér viðeigandi eftirmæli:

Þeir syngja venjulega hæst í kirkjunni,

sem syngja falskt.

„Bakkafjara kann að vera millileikur"