HAMINGJAN: HVAR FINNST HÚN ?

Við gerum okkur oft miklu meira far um að sýnast hamingjusamir,

en að vera það.

Ýmsar rannsóknir hafa tekist á um samband hamingju og löngunnar í

aukna fjármuni- með öðrum orðum hvort  það hafi áhrif á hamingju 

fólks að vera "efnishygginn".  Fólk sem er efnishyggið er líklegra til að

telja að hamingjan sé fólgin í eignum og peningum, það telur einnig að

 mæla megi velgengni í peningum og það leggur meiri áherslu á slík

verðmæti en aðra þætti lífsins. Niðurstöður rannsókna hafa allar verið á

sama veg:  Efnishyggið fólk er óhamingjusamara en fólk sem leggur

áherslur á önnur lífsmarkmið.

Fyrir löngu síðan las ég hugrenningu eftir uppfinningarmanninn Thomas

Edison þar sem hann viðrar sína skoðun á hamingjunni og hefur hún verið

mér ávallt hugleikin, en hún hljóðar eitthvað nærri því svona:

Höfuðþrá mannkynsins hneigist óneitanlega að hamingjunni.

En var heimurinn skapaður fyrir hamingjuna?

Hve margir eru hamingjusamir í raun og sannleika?

Það er reynsla mín, að sé nokkuð grafið undir yfirborðið, þá eru það aðeins

hinir óhreinskilnu, sem segja: Ég er hamingjusamur!

  Næstum hver einasti maður æskir einhvers, sem

hann hefur ekki hlotið, og eins og nú standa sakir, meiri peninga en hann

hefur á reiðum höndum. .... En þegar öllu er á botninn hvolft, verður fátt

eitt keypt fyrir peninga. .... Á ég að segja, hvernig ég tel að menn geti

helst nálgast það að vera hamingjusamir:  Með því að lifa á eigin búgarði,

 langt frá hinu æsta og óeðlilega umhverfi borgarinnar.  Ég á við bóndabýli,

þar sem maður ræktar á eigi jörð það, sem þarf til lífsviðurværis, á sér

blómagarð fyrir framan húsið og nýtur hversdagslegrar heimilisgleði með

venjulegri fjölskyldu, laus við alla áreynslu stórframkvæmda lífsins.

Hamingja fólks í dag felst samt að mestu leiti í því, að hafa ofaní sig og á

og hafa þak yfir höfuð sér. En því miður er hamingjan oft fljót að fjúka út 

um gluggann, þegar fólk verður að vinna myrkranna milli til að hafa

fyrir brýnustu nauðsynjum. Þess vegna er það mín tilfinning, að við

Íslendingar séum meira að sýnast, þegar hamingja þjóðarinnar er vegin og

metin og segir okkur hamingjusamasta fólkið í heiminum.

 

 

 

 

 

 

 

Með marga tugi milljóna á bakinu

Athugasemdir

[Brattur, 3.2.2008 kl. 00:12]

... hamingjan er það eina sem við getum gefið án þess að eiga -Henry O. Dormann

[Þórarinn Þ Gíslason (IP-tala skráð) 3.2.2008 kl. 04:53]

Sæll Þorkell.

Þörf grein og nokkuð gott hjá Edison. Ég heyrði einu sinni að Hamingja væri         HAMINGJA ER AÐ VERA ÁNÆGÐUR MEÐ ÞAÐ SEM MAÐUR HEFUR.

VÁ, ÞAÐ MÁ TEYGJA ÞETTA Í ÞAÐ ÓENDANLEGA. EN GOTT INNLEGG HJÁ ÞÉR.

[Ásdís Ýr (IP-tala skráð) 4.2.2008 kl. 01:59]

Það er lágmark að geta heimildar þegar maður tekur efni frá öðrum. Í það minnsta undarleg tilviljun.... http://visindavefur.hi.is/svar.php?id=6969

[Þorkell Sigurjónsson, 4.2.2008 kl. 11:59]

Þakka ykkur innlitið. Það er engin tilviljun Ásdís Ýr að gott efni sé birt. Verð að viðurkenna það, að ég áleit mig ekki vera að níðast á eða stela neinu efni með því að styðjast við Vísindavefinn.  Þakka þér samt fyrir ábendingu þína og koma réttlætinu til hjálpar. Lofa að gera það aldrei aftur. Vonandi fylgist þú með Ásdís Ýr?

Kær kveðja til ykkar.

[Ólafur Ragnarsson, 9.2.2008 kl. 03:11]

Sæl Þorkell!Mig minnir að hin fræga Zsa Zsa Garbor hafi sagt einhvern tíma að"hamingju sé ekki hægt að kaupa með peningum.Til þess væru kretitkortin"Þessi ágæta kona sagði líka einhverntíma:""Í barnaskólanum var mér kennt að peningar séu ekki allt og að vera góðhjartaður væri mikilvægara.Þegar mamma komst að þessu setti hún mig í annan skóla.Kært kvaddur