FLÆRNAR Á SKINNINU.

Akureyringar voru að frumsýna leikritið "Fló á skinni" og segir í frétt af þeim viðburði, að verkið sé eftir

Georg Feydeau og dragi dám af tvískinnungi í borgaralegu siðferði á

keisaratímanum seinni í Frakklandi en skáldið var afar snjall

byggingarmeistari í misskilnings fléttu blekkinga, misskilnings og feluleiks 

sem útheimti tiltekinn fjölda útganga í opið rými.

Árið 2008 í höfuðborg Íslands á sér nú stað eitt furðulegasta leikrit, sem

um getur, auðvitað er "Fló á skinni" þar undan skilið.
 

Í fyrradag kom Vilhjálmur af borgarráðsfundi með tárin í augunum og sagði

að Rei málið hefði reynt mikið á sig og telur að ekkert nýtt hafi komið þar

fram sem segi, að hann þurfi að segja af sér, þar sem hann hafi

vottorð frá lögfræðingi um það, að hann hafi staðið rétt að málum.  

Næst er það leitin að lögfræðingi þeim er vottorðið gaf og er hann

víst ófundinn ennþá.

Og nú er svo komið að samflokksmenn hans hafa fengið sig full sadda af

 lopateygingum Vilhjálms og þrýsta nú fast á, að "félagi" Vilhjálmur sýni

þann manndóm og segi af sér. Sagt er, að sumir bíði eftir Salómons dómi

 Geirs formanns í málinu, en hann bíður og vonar í lengstu lög, að 

 Vilhjálmur verði fyrri til og gangi út. 

Satt að segja vorkenni ég Villa greyinu hvernig komið er fyrir honum, en

fróðlegt verður fyrir hinn almenna mann og ekki síst Sjálfstæðisfólk

að fylgjast með, þegar fulltrúar Sjálfstæðisflokksins í borginni fara í

 þann leðjuslag sem virðis fram undan um forustu hlutverkið innan þeirra

raða. Helst "tippa" ég á Hönnu Birnu sem kandídat númer eitt af því hún er

svo fjandi frek.

Satt best að segja er farsinn sem boðið hefur verið upp á undanfarið með

ólíkindum og allt af því grátbroslegur á köflum.  Og maður spyr sjálfan sig í

framhaldinu;  Fyrr en varir kemur að næstu kosningum til borgarstjórnar

og hvort það fólk sem kosið hefur Sjálfstæðisflokkinn sé nú ekki búið að fá

nóg af öllum þessum glundroða og kjósi bara aðra flokka, sem reynst 

gætu notadrýgri fyrir íbúa höfuðborgarinnar.?  

 

 

 

 

Athugasemdir

[Guðjón H Finnbogason, 9.2.2008 kl. 22:31]

Ég er sammála þér með Hönnu Birnu.En er þetta nýtt Árna mál hvað ósannindin varðar.