STANS ?

Í Sviss kallast fugl þessi capercaille, hann er á stærð við kalkún en

telst til sömu fuglaættar og  íslenska rjúpan. Vísindamenn hafa

áhyggjur af afkomu stofnsins vegna ágangs ferðamanna.

Fugli þessum var nær útrýmt í Skotlandi en stjórnvöldum þar tókst að

koma í veg fyrir útrýmingu þeirra.

Þessi fugl er Haftyrðill og er á válista eins

sagt er, hann er í útrýmingarhættu. Skrifari

síðunnar á einn slíkan uppstoppaðan, en

hann fannst dauður í fyrra suður í Klauf 

ásamt 

fleirum sömu tegundar og voru þeir horaðir

og illa á sig komnir.  Haftyrðill hætti að verpa hér á landi árið 1995.

Keldusvín í vetrarbúningi. Skrifari fann

eitt slíkt hér í Eyjum fyrir tveimur árum

síðan niður í bæ illa farinn eftir kött.

Samt gat Ingi Sigurjónsson okkar

snjalli uppstoppari sett hann vel upp.

Keldusvín eru í útrýmingarhættu og 

sagt er, að Keldusvín hafi síðast orpið á Íslandi árið 1970.

Lundinn sem allir þekkja og sjálfsagt flestir álíta hér í Eyjum , 

að engin hætta sé á að muni hverfa, eða verða útrýmt.  En

verðum við ekki að vera á verði, að ekki fari illa og minnka veiðar, sem

 fram fara á hverju sumri?  Það líka, að orðið hafa breytingar í hafi og

umhverfi okkar fyrir mistök okkar mannanna.  -Þrátt fyrir, að ein og hálf 

öld sé síðan síðasta Geirfuglinum var eytt, eða árið 1844 segir það okkur,  

að við hér á Íslandi erum ekki saklaus.  Staðreyndir segja okkur, að 

dags daglega hverfur af yfirborði jarðar dýra tegundir og skipta þær á ári

hverju tugum ef ekki hundruðum og ekkert kemur í þeirra stað.

Það er mitt álit, að við sem byggjum þessa jörð eigum að kappkosta það,

að sem flestar dýrategundir fái notið sín og haldi áfram að auka þann

fjársjóð sem felst í sem fjölbreytilegustu dýralífi hér á jörðinni.  

 

 

 

Athugasemdir

[Ásthildur Cesil Þórðardóttir, 3.3.2008 kl. 22:31]

Flottur pistill hjá þér Þorkell minn og orð í tíma töluð, gætum að okkur og stígum varlega til jarðar með þær tegundir sem eru í hættu á útrýmingu. Þær eru ef til vill fleiri en við höldum.

[Þorkell Sigurjónsson, 3.3.2008 kl. 22:58]

Þakka Ásthildur. Því miður verð ég að taka undir með þér og þess vegna er enn meiri ástæða til að fara varlega.  Kveðja.

[Guðjón H Finnbogason, 3.3.2008 kl. 23:55]

Flottur pistill og ég er á sama máli og þið að varlega skuli stigið til jarðar,grimmdarþorsti okkar mannanna er þannig að við hættum ekki fyrr en allt er búið,veislan öll.

[G Antonia, 4.3.2008 kl. 12:32]

Gaman að lesa hér Keli minn, fróðleiksmoli og í senn umhugsunarverður, ... því fjölbreytilegt dýralíf er auðn sem við verðum að halda utan um .....

Ekki verra að halda utan um "hvort annað" svona í leiðinni :-)

Eigðu góðan dag **

[Þorkell Sigurjónsson, 4.3.2008 kl. 23:54]

Sæll og blessaður Guðjón. Sammála þér, við verðum að sýna meiri ábyrgð gagnvart umhverfinu.

Gott að heyra frá þér Guðbjörg mín. Tek undir með þér, við gætum verið betri hvert við annað. Kveðja til ykkar og takk fyrir að láta sjá ykkur.