KÆRLEIKSHEIMILIÐ.

Kærleikslaust líf er eins og öskuhrúga á yfirgefnum arni,

þar sem eldurinn er kulnaður,

hláturinn þagnaður og ljósið slökkt.

Það er líkt og jörðin í vetrardvala,

sólarlausan dag,

frostharðan,

þegar vindurinn næðir um sinuna.......

Það veit Guð,

að við þörfnumst allir alls þess óeigingjarna kærleika,

sem okkur er unnt að öðlast,

því að kærleikurinn er sjaldnast óeigingjarn.

Venjulega á hann sínar síngjörnu hvatir og krefst endurgjalds.

 

-  Munið þið William Morris

og hvernig hann lifði lífinu og jós eigum sínum og var önnum kafinn í

annarra þjónustu?

Hann átti hugmyndina að sambyggingu verkamanna,

reistum á samvinnugrundvelli,

og blés nýju lífi í listir og iðnir okkar daga.

Hann var stríðsmaður almenningsheilla.

Þegar hann var allur,

streymdi geislaflóð og kraftur frá minningu hans,

líkt og frá vita,

sem ber hátt á hættuströnd. -

 

Undir ævikvöldið ritaði hann þetta,

sem var trúarjátning hans og vonandi sem flestra:

Ég á samleið með þér,

svo að við skulum leiðast.

Við skulum hjálpa hver öðrum.

Okkur er ekki ætlað að dveljast hér lengi.

Hin gamla góða fóstra,

dauðinn,

kemur brátt og ruggar okkur í svefn.

Við skulum þess vegna hjálpast að,

á meðan færi gefst.
              -F.T. Tabbetts.

Þingi frestað fram í september