BLEKKINGAR, SVIK, SPILLING OG SVÍNARÍ.

 

 

 

Í einfeldni okkar s.l. 15-20 ár,

höfum við lifað í þeirri blekkingu að hér væri besta menntakerfi í

heimi og besta heilsugæslan, hæstu launin og hér væri endalaus

velmegun.

Þegar listar hafa verið birtir í heiminum yfir spillingu þá oftar en ekki

höfum við verið mæld sem þjóð með litla eða enga

spillingu.

Það er vandinn í hnotskurn.

Spillingin og þögnin, sem við höfum staðið saman um,

að uppræta ekki.

Nú hefur hún lagst ofan á okkur með öllum sínum þunga,

eða afleiðingar hennar og við getum okkur hvergi hreyft.

 

Upplýsingar síðustu daga eru óhugnanlegar.

Upp á yfirborðið silast hægt og rólega sannleikurinn og sorinn,

sem hefur fengið að grassera í svo langan tíma.

Sárast er að sjá og svíður mest er

óttinn.

Ótti fólksins við að segja skoðanir sínar.

Vald spillingarinnar er svo sterkt og þrúgandi, að venjulegt fólk

stendur hjá og horfir á, eða lokar augum og eyrum.

 

Fólk slær jafnvel skjaldborg um spillinguna eins og gerðist í VR,

en stjórn og trúnaðarráð lýsti yfir stuðningi við formann félagsins,

sem stóð upp fyrir axlir í spillingunni miðri en neitar allri sök.

Í bönkunum er spillingin og hún fær að vera þar í friði vegna þess

að menn þora ekki að segja frá af ótta um eigið skinn,

atvinnu og framtíð.

Nýjasta dæmið er 25 milljarðar, sem fluttir voru á einkareikninga

þriggja lykilmanna hjá KÞ-banka daginn fyrir hrun bankanna.

 

Jafnvel stjórnmálamennirnir hringja í auglýsta ræðumenn á

 mótmælafundum og biðja þá um að tala gætilega.

Tala ekki um sannleikann af því að hann þolir illa dagsljósið.

Og ekki síst að skaða ekki sjálfan sig til frambúðar með

auglýsingu um spillt vald.

Þyrlu flugmenn verða að sækja rétt sinn gegn ofurvaldi

og ráðríki.

Jafnvel inn í litlu bæjarsamfélögin horfir maður upp á það,

að einkavinirnir og ættartengslin og ekki hvað síst, rétti

litur á flokksskírteininu ræður þar öllu.

Dæmin eru óteljandi.

Það er engu líkara en berja eigi allar óæskilegar skoðanir niður,

sem ekki henta valdinu.

Það er engu líkara en að þeir sem valdið hafa noti það grimmt

og óspart í anda vondra einræðisherra.

 

Grátlegt er ástandið og á eftir að versna,

ef ekki verður spornað við þessari þróun,

þessari þögn.

           ARNÞÓR SIGURÐSSON og Grímur!