AFTURHALD LEYNIST VÍÐAR EN Í SJÁLFSTÆÐISFLOKKNUM.

 

 

Ég segi það nákvæmlega eins og það er í mínum huga,

að Hjörleifur Guttormsson er dragbítur VG,

 ámóta því eins og

Hannes Hólmsteinn hefur verið íhaldinu.

Hjörleifur er því miður neikvæður á allt sem erlendis frá kemur og

þannig er það með skoðun hans á ESB, sem virðast algjör

glæpasamtök í hans huga.

 

Og af hverju fullyrði ég það?

Hann er rörasýnari og horfir beint niður á tærnar á sjálfum sér,

vill ekki einu sinni athuga málið hvað þá annað.

Afleiðingin verður svo,

að VG einangrast ennþá meira frá því, að hafa nokkur áhrif í

nánustu framtíð á þessu landi.

 

Það er lágmarks krafa, sem ég geri sem

 félagi í VG og kjósandi þeirra í þessum kosningum,

 

að gengið verði í málið og það  skoðað,

hvað felist í aðild að ESB og láti svo þjóðina kjósa hvort við göngum

þar inn eður ei. 

 

Látum ekki svartnættis raus Hjörleifs Guttormssonar glepja fyrir því,

að við byggjum hér á næstunni mannvænlegt umhverfi,

þar sem  tveir vinstri flokkar landsins munu þá

móta samfélag okkar á næstu árum.

Annars er hætta á, að 

 íhaldsöflin eigi greiðari aðgang til áhrifa í

okkar samfélagi öllum landslýð

til mikilla vansa.

 

 

 

  

 

Í engri stöðu til að setja VG kosti

KRAFAN ER, ÁFRAM VINSTRI STJÓRN.

 

Satt best að segja er ég miður mín af hræðslu,

hræðslu yfir því að ekkert verði úr samstarfi Samfylkingar

og Vinstri grænna.

Það segir manni ekkert, þegar talað er á svo almennum

nótum sem það,

að fundurinn hafi verið gagnlegur og svo framvegis.

Krafan er,

áfram vinstri stjórn.

 

Stranda ekki á Evrópumálum

VIÐ VILJUM VINSTRI STJÓRN.

 

 

 

Það þætti mér hrein og klár svik við kjósendur,

ef ekki tækist að mynda áframhaldandi

vinstri stjórn.

 

 

 

Það jaðrar við Drottins svik að mínu mati,

ef Samfylking og Vinstri grænir ná ekki, að mynda

áframhaldandi stjórn,  því þessir tveir

flokkar hafa að stærstum hluta  fylgi sitt frá þeim,  sem

lökust hafa kjörin í þessu landi.

Þá duga engar afsakanir að hálfu VG, að

ekki komi til greina,

að skoða hvað ESB býður okkur.

 

Þingað um nýja stjórn

HUGRENNING AÐ LOKNUM ALÞINGISKOSNINGUM.

 

 

Ég verð að segja það eins og er,

að ég er alveg yfir mig gáttaður á úrslit kosninganna.

Að Sjálfstæðisflokkurinn skuli ennþá hafa stuðning nærri

fjórðungs þeirra, sem þátt tóku í ný loknum alþingiskosningum.

 

Spakmæli segir, að þangað sækir klárinn,  sem hann er

kvaldastur og má segja að fólk,  sem á 18 árum lifði hér vissan

uppgang í okkar samfélagi var þorri fólks, sem  lifði

aldrei meiri misskiptingu tekna en á þessum árum, 1993-2007.

Og svo það, sem kórónaði  þetta allt saman var hrunið í haust,

sem orsakaði það, að mjög margi voru að missa hluta, eða mest allan

ævi sparnað sinn.  Aukningu skulda af húsnæði sínu,

hækkun vöruverðs og nú í ofaná lag, skerðingu

lífeyris frá lífeyrissjóðunum vegna rýrnunar og illa ígrundaðar

fjárfestingar þeirra sem á ofurlaunum var trúað fyrir sjóðunum.

Allt er þetta og fleira, sem telja mætti til,

Sjálfstæðisflokknum að stórum hluta að kenna,

samt skuli fólk halda áfram að kjósa kvalara sinn,

það finnst mér með ólíkindum.

 

 

 

 

 

 

 

Nýtt Alþingi Íslendinga

REINIMEISTARAR FYRR OG NÚ.

 

 

 

Ein af mínum uppáhalds sögum hefur og er  sagan

af honum Sölva Helgasyni, sem Davíð Stefánsson frá Fagraskógi gerði

svo eftirminnilega undir heitinu

Sólon Íslandus.

Þar sem nú er lokið kosningaslag flokkanna í bili þar

sem mikil talna leikfimi fór fram hvernig laga mætti hag allra,

þá kom mér einmitt í hug hann Sölvi, sem sagði frá sinni

skrautlegu fimi í reikningi, þegar hann í fyrsta og eina skiptið

var staddur í Köpen.

 

Við reiknimeistararnir vorum nú leiddir saman og settir sinn í hvorn

enda á gríðarstórum sal,  svo að við sæjum ekki útreikninga og

aðferðir hvors annars.

Þetta var í konungshöllinni.

Við reiknuðum nú lengi dags, en þá tókst þeim ítalska að

reikna barn í eina danska.

Ég var viðbúinn og reiknaði það strax úr henni.

Þá brá hinum ítalska og hugði á hefndir.

Sá ítalski hamaðist til kvölds, alla nóttina og fram að hádegis.

Þá tókst honum, með herkjubregðum þó,  að hnoða

tvíburum í eina ítalska...

Nú tók ég til minna ráða.

Ég reiknaði og mældi og krotaði, þangað til ég varð að fá annað blað.

Þá dámaði ekki dómurunum uppi á svölunum.

Sá ítalski var hróðugur og glotti.

En ég gafst ekki upp.

 

Og loks tókst mér að reikna tvíbura í eina

afríkanska, og var annað barnið hvítt,

en hitt svart.

Þá steinleið yfir þann ítalska....

Þrátt fyrir að Sölvi væri drjúgur með sig og sína hæfileika

og á sínum tíma einn frægasti flakkari Íslandssögunnar var honum

margt til lista lagt.

T.d. þessi sjálfsmynd hér ofar á síðunni og svo þessi ágæta

mynd eftir hann.

 

Og ekki má gleyma vísunni frægu, sem hann gerði

um sjálfan sig:

Ég er gull og gersemi

gimsteinn elskuríkur.

Ég er djásn og dýrmæti

Drottni sjálfum líkur.

 

 

 

Afskrifa 75% fyrirtækjalána

ÞAÐ EIGA ALLIR, ALLIR AÐ SITJA VIÐ SAMA BORÐ.

 

 

 

Það er við hæfi að benda Reykjanesfélagi smábátaeigenda

á það,  að Ambrósíus hinn mikli kirkjuleiðtogi

mælti:

 

Náttúran gefur öllum allt sameiginlega.

Guð hefur í raun réttri skapað alla hluti svo,

að allir neyttu þeirra sameiginlega og jörðin væri

allra sameign.

Náttúran skóp því sameignarréttinn,

ofbeldið gerði úr honum

einkaeignaréttinn....

Drottinn vor hefur viljað,

að þessi jörð væri sameiginleg eign allra manna

og afurðir hennar féllu öllum í skaut,

en ágirndin hefur skipt eigninni.

 

Hótanir ráðherra ekki við hæfi

HVAÐA GJÖF HEFUR FORSJÓNIN GEFIÐ MANNINUM, SEM HONUM ER JAFN-KÆR OG BÖRNIN ?

 

 

Og sjá,

hérna er nýfædd stúlka

sjöunda barna barnið

mitt.

 

Gleðilegt sumar.

TIL ÞEIRRA SEM HÍMA HIKANDI.

 

Mér og öðrum til gamans

birti ég grein skrifaða af meistara Þórbergi Þórðarsyni og

 er hún takið eftir,  skrifuð fyrir 72 árum síðan.

 

 

 

Á hinn bóginn er það hverju mannsbarni kunnugt, að íhaldið hefur

nú sett öll hugsanleg öfl á hreyfingu, hátt og lágt í öllum kjördæmum

landsins, til þess að ná hreinum meirihluta við þessar kosningar.

Og þessar trylltu hamfarir eiga ekki rót sína að rekja til neinna hærri

hvata en þeirra,

að höfuðráðamenn flokksins, heildsalar og aðrir stórbraskarar,

sjá sínum rangfengna Mammoni hættu búna með sigri

vinstri flokkanna.

Ránsmennskan á um líf sitt að tefla.

 

Þess vegna eru engin meðul til spöruð.

virðulegar íhaldsfrúr og útsmognir kosningasmalar rápa hér hús úr

húsi og koma skríðandi að fótum fákænna kjósenda til þess að

ginna þá til fylgis við höfuðóvini þeirra, kúgara þeirra og ræningja,

sem allt til þessa hafa barist undantekningarlaust gegn öllum

umbótum á kjörum þessa fólks,

smáum sem stórum, hafa setið um hvert nýtilegt tækifæri til að

þrúga niður kaup þess, en hafa að hinu leytinu féflett það inn að

skinninu með vöruverðlagi, sem er hrein og bein

ræningjamennska.

Allar gildrur hins slungna hugarfars hafa verið teknar í þjónustu

þessara mannaveiða:

hin vísvitandi lygi,

ísmeygilegi rógur,

flaðrandi fláttskapur,

hótanir um atvinnumissi,

ógnanir um ríkisgjaldþrot,

skelfingar við rauðu hættuna og blóðveldi Stalíns,

fyrirheit um nýja gullöld, ef íhaldið nái meirihluta, og peningarnir

renna í stríðum straumum út um kjördæmin landsins í mútur

ofan í bágstadda fátæklinga og lítilsiglda sálir, sem ekki bera þá

virðingu fyrir sjálfum sér, að þær hafi enn þá komið auga á,

hvílík vanvirða þeim er gerð með slíkri

þrælaverslun.

 

Í fáum orðum sagt:

Það er enginn sá ósómi til í mannlegu innræti,

sem íhaldið hefur ekki hervætt í þjónustu hins illa málstaðar.

 

 

Að hinu leytinu verðum við að harma með sárri blygðun það

 

pólitíska þroskaleysi, þá andlegu smáborgaramennsku,

sem vinstri flokkarnir hafa gert sig bera að í sumum framboðum sínum.

Í stað þess að taka höndum saman gegn höfuðóvininum,

íhaldinu og yfirvofandi fasisma,

hafa þeir staðið í smásálarlegu pexi hver við annan og hafa

stofnað öllum frjálslyndum landslýð í beinan voða

með því að bjóða fram hver gegn öðrum í ýmsum kjördæmum,

þar sem þeir hefðu átt að vinna saman.

Með þessu háttarlagi hafa þeir gert allt sitt til að gefa

erkifjandanum að minnsta kosti tvö kjördæmi,

Akureyri og Vestmannaeyjar

 

Svo mörg voru þau orð og nærri lætur,

að þau hefðu þess vegna getað verið skrifuð í gær,

en ekki fyrir 72 árum síðan.

 

 

 

 

Guðlaugur fékk 4 milljónir í styrk

MÚSAGANGUR Í VALHÖLL ?

 

 

Og þar kom,

að

Sjálfgræðiflokkurinn

fékk

jóðsótt 

og fæddi

litla

mús.

Andri hættir störfum

GUÐLAUGUR ÞÓ !

 

 

Þetta mun vera hið nýja flokksmerki Sjálfgræðiflokksins.

Hvað eru fimmtíu og fimm milljónir milli vina?

Þetta er ekkert annað en öfund af hálfu annarra flokka

út í  Sjálfgræðiflokkinn, að  vera  duglegri

og sniðugri til öflunar peninga í skjóðuna sína.

Enginn, já enginn skal voga sér að segja að Sjálfgræðiflokkurinn

sé ekki heiðarlegasti flokkurinn á Íslandi og þó víðar væri leitað.

Heilræðavísa:

Ef þín kólnar íhaldstrú

og ekkert má þig kæta,

tilraun er að reynir þú

"sminka" þig og bæta.

Guðlaugur Þór hafði forgöngu um styrkina