ER FÁTÆKTIN FYLGIKONA ÍSLENDINGA ?

 

 

 

Hann greindi frá því um daginn aðalritari Sameinuðu þjóðanna,

að fátækt og hungur væri mesta ógn

mannkynsins.

 

Þegar við hér á Íslandi lítum í kring um okkur virðist síður en svo,

að við Íslendingar séum á "nástrái" um nokkurn hlut.

Þrátt fyrir smá kreppu þessa daganna og því miður nokkuð um það,

að þeir sem ekki kunnu fótum sínum forráð í hinu svokallaða góðæri tóku allt of

stór lán til íbúðar og bílakaupa eru í vondum málum akkúrat núna.

 

Raunverulegt hungur og fátækt virðist mér vera ansi langt frá okkar bæjardyrum

Íslendinga,  sem betur fer.

 

Þess vegna rekur mig alltaf í rogastans,

þegar vissir menn og þá sérstaklega þeir sem hafa undanfari ár verið að möndla

með  þjóðareignina,  þ.e.a.s. kvótann ,  þegar þeir halda því fram að allir séu vondir

við þá,

og fólkið í landinu skuli voga sér að ympra á,  að við fáum aðeins meira út úr

þessari sameiginlegu eign landsmann.

Því meiri er undrun mín,  þegar litið er til fortíðar og fram kemur,

að þeir sem fengu rétt til að veiða" kvótann",  þegar þeir hafa dregið sig út úr greininni

 þá hafa þeir með sér,

 ófáar millur.

Og enn aðrir hafa ráfað  um sendnar strendur sólarlandanna og verið þar

áskrifendur af þjóðareigninni.

Er nokkur furða þótt ekki séu allir landsmenn sáttir?

Er til of mikils mælst að gera kröfu til "sægreifanna" að þeir skilji það í eitt skipti,

  að aðgangur að auðlindinni er aðeins að láni til þeirra ?

 

Svo er  það þetta,  sem virðist vera algjör þverstæða í þessu öllu saman. 

 

Það eru þessar miklu skuldir útvegsins (70%) og ríkisstjórnin ekki ennþá

farin að fyrna  eitt einasta tonn.

Getur verið að þeir sem í dag eru að möndla með "kvótann" séu að draga

verðmætin út úr greininni til þess eins að fjárfesta í alveg óskildum eignum?

Þarf kannski nýtt blóð í greinina og þeir sem "kvótann eiga",

taki sér frí og fari að gera eitthvað annað?

 

Kannski á það hér við og er alkunna,

að þeir sem hafa nóg af öllu er hættara en öðrum við að

"sífra".

Að fá í vöggugjöf að vera dugandi og kraftmikill á sem betur fer við fleiri,

en þá sem sýsla með þjóðareignina og einhverstaðar sá ég haft eftir

sjálfum himnaföðurnum,

að Hann vildi að þessi jörð væri sameign allra manna og afurðir hennar

féllu öllum í skaut,

en því miður hefur ágirndin skipt

 eigninni.

 

 

 

 

 

 

 

 

 

Athugasemdir

[Hörður Halldórsson, 9.2.2010 kl. 17:37]

Það er ekkert á hreinu hvað Sjávarútvegurinn skuldar.Kannski 350-500 milljarðar? Það hefur ekki fengið staðfest.Alla vegana er fiskiskipaflotinn orðinn tiltölulega  gamall  sjá tölur hagstofu".Aldur fiskiskipa. Meðalaldur íslenska fiskiskipastólsins var 22,6 ár í árslok 2007. Meðalaldur vél- skipa var 21,2 ár, togaraflotans 24,2 " Sennilega eru skuldir sjávarútvegs ekki til komnar vegna endurnýjunar á skipastól.Gæti trúað að peningurinn hafi farið í eitthvað annað.Nú þarf líka að fara endurnýja flotann  að einhverju leiti.Og veðhæfnin svona léleg.ÆÆ!