Á SJÓ FYRIR RÚMLEGA HÁLFRI ÖLD SÍÐAN.

 

Til hamingju sjómenn með daginn.

Það er nú þannig,  að þrátt fyrir að ég sé fæddur og uppalinn í Vestmannaeyjum,

þá fer frekar lítið fyrir sjómennsku í lífi mínu.

Annað en hann langafi minn frá Landakoti,  sem réri við sama keip í ein 40 ár á

áraskipinu  Gedion og þá lengst af með Hannesi lóðs, 

 sem skipstjóra.

 

Ég væri að skrökva því,  að segja að ég hafi ekki unnið fyrir mér til sjós,

Því árið 1958, þegar ég var fimmtán ára fór ég norður á síld með Sigurði Ögmundssyni

frá Litlalandi á Ísleifi lll.

Galvaskur Keli árið 1958.

 

Éf ég man rétt þá var aflinn eftir tveggja mánaða úthald,  14oo mál og tunnur og

þótti nú ekki mikil veiði.

Þetta var nokkuð erfitt fyrir 15 ára ungling, en hringnót var notuð og var ansi

erfitt að tosa nótinni inn.

 

Nokkrir af áhöfn Ísleifs lll í sgrúðgarði þeirra Akureyringa. Frá vinstri,
Hreinn Pálsson Happastöðum, Jón Ögmundsson
Litlalandi, Sigurður Ögmundsson Litlalandi, og
Þorgils frá Fagurhól.

 

Lífið um borð var frekar einhæft og lítið um að vera, nema þegar út á miðin var komið.

Þannig, að einn skipverjinn sem var þetta sumar á Ísleifi hélt uppi húmornum,

eins og sagt er.

Marinó Sigurbjörnsson grínari.

Eitt af því sem ég gerði á þessu úthaldi,

var að ég drakk mig dauðadrukkinn og því miður hefur sá ósiður loðað við mig síðan.

 

 

Árið 1988 átti ég kost á að fara í siglingu og var það með góðum vini mínum

Ólafi Erni Kristjánssyni,  sem þá var yfirvélstjóri á flutningaskipinu,

Hvalvíkin.

Ég var ráðinn sem maskínumaður og varði þetta úthald í þrjá mánuði 1988.

 

Nokkrir af áhöfn Hvalvíkurinnar á sjómannadag árið 1988.
Við félagarni fremstir Óli til vinstri og Keli til hægri.

Þessi sigling var eins og ég segi í dag,  sigling í kjölfar hennar Tyrkja-Guddu.

 Við fórum um borð í Hvalvíkina á Eskifirði og sigldum sem leið lá til Alsír.

Borg,  sem er aðeins innar í botni miðjararhafsins,  borgar sem heitir Skikda.

Farmurinn var loðnumél í stóru sekkjunum.

Keli í vélarrúmi Hvalvíkurinnar.

 

Þannig að ég get sagt,  að ég hafi "migið í saltan sjó".

Kannski mun ég gera þessari sjómennsku minni ítarlegri skil,

en það bíður betri tíma.