55 ÁRA GAMLAR HUGSANIR.

 

Þegar ég las um sviplegt fráfall þessa unga leikara og lát hans er rakið til áfengis,  datt mér í hug bókin "JAKOB ÆRLEGUR, sem ég las 10 ára gamall og velt því fyrir mér síðan lýsingunni á  sviplegu láti móður Jakobs í bókinni.

Þar segir í fyrsta kafla frá drykkfelldri móður aðalsögupersónunnar. Þegar yngri bróðir Jakobs drukknar huggar faðir Jakobs eiginkonu sína með því að færa henni stóran tebolla af gini. Eins og segir í sögunni þurfti hún að "fá nokkrum sinnum aftur í bollann, því að drykkurinn þynntist af táraflóðinu".

Þegar Jakob er ellefu ára eykst drykkja móður hans til muna og er nú svo komið að báðir foreldrar sitja löngum stundum við skál í káetu fjölskyldunnar. Af þeirri venju láta þau ekki fyrr en faðir Jakobs hleypur út úr káetunni, kastar sér fyrir borð og hverfur. Það sem veldur örvæntingu hans er sá fáheyrði atburður að móðir Jakobs fuðrar upp. Í stað móður sinnar finnur Jakob tjörukennda kolaösku.

Skýringin í bókinni er, þegar neysla sterkra drykkja sé neytt í óhófi streymi vínandinn um líkamann og myndist við það gas, sem kviknar svo í, sjálfsíkviknun. Logarnir, sem stóðu út úr líkama móður minnar, hafa svipt föður minn allri sjálfsstjórn. Þannig misst ég báða foreldra mína samtímis. Annað varð eldinum að bráð, hitt fór í vatnið.

Þannig lýkur fyrsta kafla barnasögunnar um Jakob ærlega. Frá því ég las um þessa atburði í sögunni um hann Jakob, sem höfðu mikil áhrif á mig, hefi ég oft velt því fyrir mér hvort þetta geti gerst raunverulega.

Niðurstaðan er, að um sjálfsíkveikju þar sem líkaminn logar skyndilega án þess að í honum sé kveikt og hann fuðrar upp, eiga ekki við rök að styðjast.
 -- Ef þetta hefði átt við staðreyndir að styðjast, hefði ég sjálfur  átt, að vera fuðraður upp fyrir löngu síðan.

 

Leikarinn Brad Renfro látinn 25 ára

Athugasemdir

[Kolgrima, 16.1.2008 kl. 19:45]

Þetta eru fyndnustu dauðsföll bókmenntasögunnar

[nei (IP-tala skráð) 16.1.2008 kl. 21:35]

Þetta á víst að geta gerst, heyrði af þessu fyrir mörgum árum. Fólk hefur orðið vitni af manneskju fuðra upp alltí einu. Hægt að lesa um þetta t.d hér á þessum link.

http://en.wikipedia.org/wiki/Spontaneous_human_combustion

Var einhvern tíman þáttur á Discovery um þetta, gömul kona sem brann til kaldra kola í stólnum en stóllinn var óskemmdur hverju er samt hægt að trúa